Hum se Hibban bin Musa ne byaan kiya , kaha ke hamein Abdullah bin Mubarak ne khabar di , kaha ke hamein Mamar bin Rashid ne Zuhri se khabar di , unhein Mahmood bin Rabee Ansari ne unhein Itban bin Malik razi Allahu anhu ne Aap ne farmaya ke hum ne Rasool Allah salla Allahu alaihi wasallam ke saath namaaz parhi . Phir jab Aap salla Allahu alaihi wasallam ne salam phera to hum ne bhi salam phera .

Hum se Abdullah bin Maslama Qanabi ne bayan kiya , unhon ne kaha hum se Ibrahim bin Saad ne Ibn Shihab ke wastay se bayan kiya , unhon ne Mahmood bin Rabia se unhon ne Itban bin Malik se jo nabina thay ke Nabi Karim salla Allahu alaihi wa sallam un ke ghar tashreef laye . Aap salla Allahu alaihi wa sallam ne poocha ke tum apne ghar mein kahan pasand karte ho ke tumhare liye namaz parhun . Itban ne bayan kiya ke mein ne ek jagah ki taraf ishara kiya . Phir Nabi Karim salla Allahu alaihi wa sallam ne takbeer kahi aur hum ne aap salla Allahu alaihi wa sallam ke peechay saff bandhi phir aap salla Allahu alaihi wa sallam ne do rakat namaz nafl parhayi .