Hum se Husain bin Mansoor ne bayan kiya , kaha hum se Asbat bin Muhammad ne bayan kiya , kaha hum se Shaybani Sulayman bin Fayrooz ne bayan kiya , in se Ikrimah ne aur in se Ibn Abbas razi Allahu anhuma ne , Shaybani ne kaha ke mujh se Ata Abu al-Hasan al-Sawai ne bayan kiya aur mera yahi khayal hai ke unhon ne yeh hadees Ibn Abbas razi Allahu anhuma se bayan ki . Surah al-Nisa ki aayat «ya ay-yuhal-lazheena aamanoo laa yahil-lu lakum an tarisun-nisaaa-a kurhan» bayan kiya ke jab koi shakhs (zamana e jahiliyat mein) mar jata to is ke waris is ki aurat ke haqdar bante agar in mein se koi chahta to is se shadi kar laita aur chahta to shadi na karta is tarah marne wale ke waris is aurat par aurat ke warison se zyada haq rakhte . Is par yeh aayat nazil hui (bewa aurat id-dat guzarne ke baad mukhtar hai woh jis se chahe shadi kare is par zabardasti karna hargiz jaiz nahi hai) .

Hum se Muhammad bin Muqatil ne byaan kiya , kaha hum se Asbat bin Muhammad ne byaan kiya , kaha hum se Abu Ishaq Shaybani ne byaan kiya , un se Ikrimah ne aur un se Ibn Abbas razi Allahu anhuma ne aur Shaybani ne kaha ke yeh hadees Abu al-Hasan Ata Sawai ne bhi byaan ki hai aur jahan tak mujhe yaqeen hai Ibn Abbas razi Allahu anhuma hi se byaan kiya hai ke aayat «ya ayyuhallazhina aamanu la yahillu lakum an tarisun-nisa'a karhan wa la tazuloohunna litazhhabu bi-ba'adi ma aataytumoohunna» ”Ae ayman walo! Tumhare liye jaiz nahi ke tum auraton ke zabardasti malik ho jao aur na unhein is gharz se qaid rakho ke tum ne unhein jo kuch de rakkha hai , is ka kuch hissa wasool kar lo , unhon ne byaan kiya ke jahiliyat mein kisi aurat ka shohar mar jata to shohar ke rishta-dar is aurat ke zyada mustahiq samjhe jate . Agar unhi mein se koi chahta to is se shaadi kar leta , ya phir woh jis se chahte isi se is ki shaadi karte aur chahte to na bhi karte , is tarah aurat ke ghar walon ke muqabla mein bhi shohar ke rishta-dar is ke zyada mustahiq samjhe jate , isi par yeh aayat «ya ayyuhallazhina aamanu la yahillu lakum an tarisun-nisa'a karhan» nazil hui .