Hum se Umar bin Hafs ne bayan kiya, kaha hum se mere walid ne bayan kiya, unhon ne kaha hum se Aamash ne bayan kiya, in se Abdullah bin Murrah ne bayan kiya, in se Masrooq ne bayan kiya aur in se Abdullah razi Allahu anhu ne bayan kiya ke Rasool Allah salla Allahu alaihi wasallam ne farmaya ”kisi Musalman ka khoon jo kalma Laa ilaaha illallaah Muhammad-ur-Rasoolullaah ka maanne wala ho halal nahi hai albatta teen surton mein jaiz hai. Jaan ke badle jaan lene wala, shadi-shuda ho kar zina karne wala aur Islam se nikal jaane wala (murtad) jama'at ko chhorr dene wala.“

Hum se Muhammad bin Yusuf Faryabi ne byaan kiya , kaha hum se Sufyan Sawri ne byaan kiya , un se Ismail bin Abi Khalid ne , un se Shabi ne , un se Masrooq ne ke un se Aisha razi Allahu anha ne kaha , jo shakhs bhi tum se yeh kehta hai ke Allah Ta'ala ne Rasool Allah salla Allahu alaihi wasallam par jo kuch nazil kiya tha , is mein se Aap ne kuch chhupa liya tha , to woh jhoota hai . Allah Ta'ala ne khud farmaya hai «ya ayyuhar-rasoolu balligh ma unzhila ilayka» ke ”Ae Paighambar! Jo kuch Aap par Aap ke Parvardigar ki taraf se nazil hua hai , yeh (sab) Aap (logon tak) pahuncha dein .“

Hum se Qutaybah bin Saeed ne bayan kiya, kaha hum se Abu Bishr Ismail bin Ibrahim al-Asadi ne bayan kiya, kaha hum se Hajjaj bin Abi Usman ne bayan kiya, in se Aal e Abu Qulabah ke ghulam Abu Rajaa ne bayan kiya is ne kaha ke mujh se Abu Qulabah ne bayan kiya ke Umar bin Abd-ul-Aziz ne ek din darbar e aam kiya aur sab ko ijazat di. Log dakhil huay to unhon ne poochha: qasam-a ke baare mein tumhara kiya khayal hai? Kisi ne kaha ke qasam-a ke zariye qisas lena haq hai aur khulafa ne is ke zariye qisas liya hai. Is par unhon ne mujh se poochha: Abu Qulabah! tumhari kiya rai hai? aur mujhe awaam ke saath la khara kar diya. Main ne arz kiya: ya Ameer-ul-Momineen! Aap ke paas Arab ke sardar aur shareef log rehte hain Aap ki kiya rai ho gi agar in mein se pachaas aadmi kisi Dimashqi ke shadi-shuda shakhs ke baare mein zina ki gawahi dein jabke in logon ne is shakhs ko dekha bhi na ho kiya Aap in ki gawahi par is shakhs ko rajm kar dein ge. Ameer-ul-Momineen ne farmaya ke nahi. Phir main ne kaha ke Aap ka kiya khayal hai agar unhein (ashraf e Arab) mein se pachaas afraad Hims ke kisi shakhs ke mutalliq chori ki gawahi de dein is ko baghair dekhe to kiya Aap is ka hath kaat dein ge? Farmaya ke nahi. Phir main ne kaha, pas Allah ki qasam ke Rasool Allah salla Allahu alaihi wasallam ne kabhi kisi ko teen halaton ke siwa qatl nahi karaya. Ek woh shakhs jis ne kisi ko zhulman qatl kiya ho aur is ke badle mein qatl kiya gaya ho. Doosra woh shakhs jis ne shadi ke baad zina kiya ho. Teesra woh shakhs jis ne Allah aur is ke Rasool se jang ki ho aur Islam se phir gaya ho. Logon ne is par kaha, kiya Anas bin Malik razi Allahu anhu ne yeh hadees nahi bayan ki hai ke Nabi Karim salla Allahu alaihi wasallam ne chori ke muamla mein hath pair kaat diye thay aur aankhon mein salayi pharwayi ku aur phir unhein dhoop mein dalwa diya thu. Main ne kaha ke main Aap logon ko Anas bin Malik razi Allahu anhu ki hadees sunata hoon. Mujh se Anas razi Allahu anhu ne bayan kiya ke qabila Ukal ke aath afraad Nabi Karim salla Allahu alaihi wasallam ke paas aane aur Aap se Islam par bai-at ki, phir Madinah Munawwarah ki aab-o-hawa unhein na-muafiq hui aur woh beemar par gaye to unhon ne Nabi Karim salla Allahu alaihi wasallam se is ki shikayat ki. Nabi Karim salla Allahu alaihi wasallam ne in se farmaya ke phir kyun nahi tum hamare charwahe ke saath is ke oonton mein chale jaate aur oonton ka doodh aur in ka peshab peete. Unhon ne arz kiya kyun nahi. Chunanche woh nikal gaye aur oonton ka doodh aur peshab piya aur sehat-mand ho gaye. Phir unhon ne Nabi Karim salla Allahu alaihi wasallam ke charwahe ko qatl kar diya aur oont hanka le gaye. Is ki ittila jab Nabi Karim salla Allahu alaihi wasallam ko pahunchi to Aap ne in ki talash mein aadmi bheije, phir woh pakre gaye aur laaye gaye. Nabi Karim salla Allahu alaihi wasallam ne hukm diya aur in ke bhi hath aur paon kaat diye gaye aur in ki aankhon mein salayi pher di gayi phir unhein dhoop mein dalwa diya aur aakhir woh mar gaye. Main ne kaha ke in ke amal se barh kar aur kiya jurm ho sakta hai Islam se phir gaye aur qatl kiya aur chori ki. Anbasa bin Saeed ne kaha main ne aaj jaisi baat kabhi nahi suni thi. Main ne kaha: Anbasa! kiya tum meri hadees rad karte ho? Unhon ne kaha ke nahi Aap ne yeh hadees waqia ke mutabiq bayan kar di hai. Wallah! Ahl e Sham ke saath is waqt tak khair o bhalayi rahe gi jab tak yeh shaykh (Abu Qulabah) in mein maujood rahein ge. Main ne kaha ke is qasam-a ke silsila mein Nabi Karim salla Allahu alaihi wasallam ki ek sunnat hai. Ansar ke kuch log Aap ke paas aane aur Nabi Karim salla Allahu alaihi wasallam se baat ki phir in mein se ek sahab in ke samne hi nikle (Khaibar ke irada se) aur wahan qatl kar diye gaye. Is ke baad doosre sahabah bhi gaye aur dekha ke in ke saathi khoon mein tarap rahe hain. In logon ne wapas aa kar Aap salla Allahu alaihi wasallam ko is ki ittila di aur kaha: ya Rasool Allah! Hamare saath guftagu kar rahe thay aur achanaak woh hamain (Khaibar mein) khoon mein tarapte mile. Phir Nabi Karim salla Allahu alaihi wasallam nikle aur poochha ke tumhara kis par shubha hai ke unhon ne in ko qatl kiya hai. Sahabah ne kaha ke hum samajhte hain ke Yahudiyon ne hi qatl kiya hai phir Aap ne Yahudiyon ko bula bheija aur in se poochha kiya tum ne unhein qatl kiya hai? Unhon ne inkar kar diya to Aap ne farmaya, kiya tum maan jao ge agar pachaas Yahudi is ki qasam lein ke unhon ne maqtul ko qatl nahi kiya hai. Sahabah ne arz kiya: yeh log zhara bhi parwa nahi karein ge ke hum sab ko qatl karne ke baad phir qasam kha lein (ke qatl unhon ne nahi kiya hai) Nabi Karim salla Allahu alaihi wasallam ne farmaya to phirtum mein se pachaas aadmi qasam kha lein aur khoon-baha ke mustahiq ho jayein. Sahabah ne arz kiya: hum bhi qasam khane ke liye tayyar nahi hain. Chunanche Nabi Karim salla Allahu alaihi wasallam ne unhein apne paas se khoon-baha diya (Abu Qulabah ne kaha ke) main ne kaha ke zamana e jahiliyat mein qabila Huzayl ke logon ne apne ek aadmi ko apne mein se nikaal diya thu phir woh shakhs Bathaa mein Yaman ke ek shakhs ke ghar raat ko aaya. Itne mein in mein se koi shakhs bedar ho gaya aur is ne is par talwar se hamla kar ke qatl kar diya. Is ke baad Huzayl ke log aane aur unhon ne Yamani ko (jis ne qatl kiya thu) pakra ke Umar razi Allahu anhu ke paas le gaye Hajj ke zamana mein aur kaha ke is ne hamare aadmi ko qatl kar diya hai. Yamani ne kaha ke unhon ne usay apni biradri se nikaal diya thu. Umar razi Allahu anhu ne farmaya ke ab Huzayl ke pachaas aadmi is ki qasam khayein ke unhon ne usay nikala nahi thu. Bayan kiya ke phir in mein se unchhas aadmiyon ne qasam khayi phir unhi ke qabila ka ek shakhs Sham se aaya to unhon ne is se bhi mutalba kiya ke woh qasam khaye lekin is ne apni qasam ke badle mein ek hazar dirham de kar اپنا peecha qasam se chhurra liya. Huzayliyon ne is ki jagah ek doosre aadmi ko tayyar kar liya phir woh maqtul ke bhai ke paas gaya aur اپنا hath is ke hath se milaya. Unhon ne bayan kiya ke phir hum pachaas jinon ne qasam khayi ku rawana huay. Jab maqam e Nakhla par pahunche to baarish ne unhein aaya. Sab log pahar ke ek ghaar mein ghus gaye aur ghaar in pachason ke oopar gir para. Jinon ne qasam khayi thi aur sab ke sab mar gaye. Albatta donon hath milane wale bach gaye. Lekin in ke peeche se ek patthar lurh-ak kar gira aur is se maqtul ke bhai ki taang toot gayi is ke baad woh ek saal aur zinda raha phir mar gaya. Main ne kaha ke Abd-ul-Malik bin Marwan ne qasam-a par ek shakhs se qisas li ku phir usay apne kiye huay par nadamat hui aur is ne in pachason ke mutalliq jinon ne qasam khayi thi hukm diya aur in ke naam register se kaat diye gaye phir unhon ne Sham bheij diya.