Hum se Muhammad bin Abd-ur-Rahim ne bayan kiya , kaha hum se Dawood bin Rasheed ne bayan kiya , kaha hum se Waleed bin Muslim ne bayan kiya , in se Abu Ghassan Muhammad bin Mutarrif ne , in se Zayd bin Aslam ne , in se Zain-ul-Aabideen Ali bin Husain ne , in se Saeed bin Marjanah ne aur in se Abu Hurairah razi Allahu anhu ne ke Nabi Karim salla Allahu alaihi wasallam ne farmaya ”jis ne kisi Musalman ghulam ko aazad kiya to Allah Ta'ala is ke ek ek tukre ke badle aazad karne wale ka ek ek tukra jahannum se aazad kare ga . Yahan tak ke ghulam ki sharmgah ke badle aazad karne wale ki sharmgah bhi dozakh se aazad ho jaye gi .“

Hum se Ahmad Bin Yunus ne bayan kiya, unhon ne kaha ke hum se Asim Bin Muhammad ne bayan kiya, unhon ne kaha ke mujh se Waqid Bin Muhammad ne bayan kiya, unhon ne kaha ke mujh se Ali Bin Hussain ke sathi Saeed Bin Marjana ne bayan kiya aur un se Abu Hurairah (Radi Allahu Anhu) ne bayan kiya ke Nabi Kareem (Sallallahu Alaihi Wasallam) ne farmaya jis shaks ne bhi kisi Musalman (ghalam) ko azad kiya to Allah Ta'ala is ghalam ke jism ke har uzv ki azadi ke badle is shaks ke jism ke bhi ek ek uzv ko dozakh se azad kare ga. Saeed Bin Marjana ne bayan kiya ke phir mein Ali Bin Hussain (Zain-ul-Abideen Rahimahullah) ke yahan gaya (aur un se hadees bayan ki) wo apne ek ghalam ki taraf mutawajja hue. Jis ki Abdullah Bin Jafar das hazar dirham ya ek hazar dinar qeemat de rahe thay aur Aap ne ise azad kar diya
.