Hum se Ayyash bin Waleed ne byaan kiya , kaha ke hum se Abdul Aala ne byaan kiya , kaha ke hum se Humayd Taweel ne byaan kiya , kaha ke main ne Thabit Banani se ek shakhs ke mutalliq masla darkhwast kiya jo namaaz ke liye takbeer hone ke baad guftugu karta rahe . Is par unhon ne Anas bin Malik razi Allahu anhu se byaan kiya ke unhon ne farmaya ke takbeer ho chuki thi . Itne mein ek shakhs Nabi Karim salla Allahu alaihi wasallam se raastay mein mila aur Aap salla Allahu alayhi wasallam ko namaaz ke liye takbeer kahi jane ke baad bhi roke rakha .

Hum se Abu Mamar Abdullah bin Amr ne byaan kiya , kaha ke hum se Abdul Warith bin Saeed ne byaan kiya , kaha ke hum se Abdul Aziz bin Suhayb ne Anas razi Allahu anhu se byaan kiya , unhon ne kaha ke namaaz ke liye takbeer ho chuki thi aur Nabi Karim salla Allahu alaihi wasallam kisi shakhs se masjid ke ek gooshay mein chipke chipke kaan mein baatain kar rahe thay . Phir Aap salla Allahu alayhi wasallam namaaz ke liye jab tashreef laye to log so rahe thay .

Hum se Muhammad bin Bashar ne bayan kiya , kaha hum se Muhammad bin Jafar ne bayan kiya , hamase Shubah ne bayan kiya , in se Abdul Aziz bin Suhayb aur in se Anas razi Allahu anhu ne bayan kiya ke namaz ki takbeer kahi gayi aur ek sahabi Rasool salla Allahu alaihi wasallam se sargoshi karte rahe , phir woh der tak sargoshi karte rahe yahan tak ke Aap ke sahabah sone lage is ke baad Aap uthe aur namaz parhayi .