Hum se Ishaq bin Ibrahim ne bayan kiya, unhon ne kaha hum ko Rauh bin Ubadah ne khabar di, unhon ne kaha hum se Ibn Jurayj ne bayan kiya, unhon ne kaha ke mujhe Ziyad ne khabar di, unhein Sabit ne khabar di jo Abd-ur-Rahman bin Zayd ke ghulam hain. Aur unhein Abu Hurairah razi Allahu anhu ne khabar di ke Rasool Allah salla Allahu alaihi wasallam ne farmaya ”sawar paidal chalne wale ko salam kare, paidal chalne wala baithe huay shakhs ko aur chhoti jama'at pehle badi jama'at ko salam kare.“

Hum se Muhammad bin Muqatil Abu al-Hasan ne bayan kiya, unhon ne kaha hum ko Abdullah ne khabar di, unhon ne kaha hum ko Mamar ne khabar di, unhein Humam bin Munabbih ne aur unhein Abu Hurairah razi Allahu anhu ne ke Nabi Karim salla Allahu alaihi wasallam ne farmaya ”chhota bade ko salam kare, guzarne wala baithne wale ko salam kare aur chhoti jama'at badi jama'at ko pehle salam kare.“