Hum se Saeed bin Afir ne bayan kiya, kaha hum se Layth bin Saad ne bayan kiya, in se Aqeel ne, in se Ibn Shihab ne, in se Urwah ne aur in se Aisha razi Allahu anha ne bayan kiya ke Nabi Karim salla Allahu alaihi wasallam ne farmaya ”main guman karta hoon ke falan aur falan hamare deen ki koi baat nahi jaante hain.“ Layth bin Saad ne bayan kiya ke yeh donon aadmi munafiq thay.

Hum se Yahya bin Bukayr ne kiya, kaha hum se Layth bin Saad ne yahi hadees naqal ki aur (is mein yun hai ke) Aisha razi Allahu anha ne bayan kiya ke ek din Nabi Karim salla Allahu alaihi wasallam mere yahan tashreef laaye aur farmaya Aisha main guman karta hoon ke falan falan log hum jis deen par hain us ko nahi pehchante.