Hum se Ahmad bin Yunus ne bayan kiya , kaha hum se Ibn Abi Zhayb ne bayan kiya , in se Saeed Muqbiri ne aur in se Abu Hurairah razi Allahu anhu ne ke Nabi Karim salla Allahu alaihi wasallam ne farmaya ke jo shakhs (roza ki halat mein) jhoot baat karna aur fareeb karna aur jahalat ki baaton ko na chhorre to Allah ko is ki koi zaroorat nahi ke woh apna khana peena chhorre . Ahmad bin Yunus ne kaha yeh hadees main ne suni to thi magar main is ki sanad bhool gaya tha jo mujhko ek shakhs (Ibn Abi Zhayb) ne batla di .

Hum se Adam Bin Abi Iyas ne bayan kiya, kaha hum se Ibn Abi-al-Zib ne bayan kiya, un se Saeed Maqbari ne, un se un ke walid Kaisan ne aur un se Abu Hurairah (Radi Allahu Anhu) ne ke Rasul Allah (Sallallahu Alaihi Wasallam) ne farmaya, agar koi shakhs jhoot bolna aur dagha baazi karna (roze rakh kar bhi) na chore to Allah Ta'ala ko is ki koi zaroorat nahi ke wo apna khana peena chor de
.