Hum se Hafs bin Umar ne bayan kiya, kaha hum se Shubah ne bayan kiya, in se Hakam ne, in se Ibrahim Nakhai ne, in se Aswad ne bayan kiya ke main ne Aisha razi Allahu anha se poochha ke Rasool Allahsalla Allahu alaihi wasallam apne ghar mein kiya karte thay? Farmaya Nabi Karim salla Allahu alaihi wasallam apne ghar ke kaam-kaj karte aur jab namaz ka waqt ho jata to namaz ke liye masjid tashreef le jaate thay.

Hum se Aadam bin Abi Iyaas ne byaan kiya , kaha ke hum se Shubah ne byaan kiya , kaha ke hum se Hukm bin Utbah ne Ibrahim Nakhai se byaan kiya , unhon ne Aswad bin Yazid se , unhon ne kaha ke main ne Aishah razi Allahu anha se poocha ke Rasool Allah salla Allahu alaihi wasallam apne ghar mein kya kya karte thay Aap ne batlaya ke Nabi Karim salla Allahu alaihi wasallam apne ghar ke kaam kaaj yani apne ghar waliyon ki khidmat kiya karte thay aur jab namaaz ka waqt hota to fauran (kaam kaaj chhor kar) namaaz ke liye chalay jatay thay .

Hum se Muhammad bin Ar'arah ne byaan kiya , kaha hum se Shubah ne byaan kiya , in se Hakam bin Utbah ne , in se Ibrahim ne , in se Aswad bin Yazid ne ke main ne Aisha razi Allahu anha se poocha ke ghar mein Nabi Karim salla Allahu alaihi wasallam kiya kiya karte thay ? Umm al-Momineen razi Allahu anha ne byaan kiya ke Nabi Karim salla Allahu alaihi wasallam ghar ke kaam kiya karte thay , phir Aap jab azaan ki aawaz sunte to bahar chale jate thay .