Hum se Musaddad ne bayan kiya, kaha hum se Yahya ne bayan kiya, in se Sufyan aur Shubah ne bayan kiya ke hamain se Habeeb ne bayan kiya (doosri sanad) Imam Bukhari rahmahullah ne kaha aur hum se Muhammad bin Kaseer ne bayan kiya, kaha hum ko Sufyan ne khabar di, unhein Habeeb ne, unhein Abu Abbas ne aur in se Abdullah bin Amr ne bayan kiya ke ek sahabi ne Nabi Karim salla Allahu alaihi wasallam se poochha kiya main bhi jihad mein shareek ho jaoon? Nabi Karim salla Allahu alaihi wasallam ne daryaft farmaya ke tumhare maan baap maujood hain unhon ne kaha ke ji haan maujood hain. Nabi Karim salla Allahu alaihi wasallam ne farmaya ke phir unhi mein jihad karo.

Hum se Adam Bin Abi Iyas ne bayan kiya, kaha hum se Shuba ne kaha, hum se Habib Bin Abi Sabit ne bayan kiya, kaha ke mein ne Abul Abbas (shayar hone ke sath) riwayat-e-hadees mein bhi siqa aur qabil-e-aitemad thay, unhon ne bayan kiya ke mein ne Abdullah Bin Amr (Radi Allahu Anhuma) se suna, aap bayan karte thay ke ek sahabi Nabi Kareem (Sallallahu Alaihi Wasallam) ki khidmat mein hazir hue aur Aap (Sallallahu Alaihi Wasallam) se jihad mein shirkat ki ijazat chahi. Aap (Sallallahu Alaihi Wasallam) ne un se daryaft farmaya "Kya tumhare maan baap zinda hain?" Unhon ne kaha ke ji haan! Aap (Sallallahu Alaihi Wasallam) ne farmaya "Phir unhein mein jihad karo. (yani un ko khush rakhne ki koshish karo)."
.