Mujh se Abdullah bin Abi al-Aswad ne bayan kiya, unhon ne kaha hum se Muaz Dastawai ne bayan kiya, unhon ne kaha ke mujh se mere walid ne bayan kiya, in se Qatadah ne aur in se Anas bin Malik razi Allahu anhu ne bayan kiya ke Nabi Karim salla Allahu alaihi wasallam ko tamam kapron mein Yamani sabz chadar pehnna bahut pasand thi.

Hum se Amr bin Aasim ne bayan kiya, kaha hum se Humam bin Yahya ne bayan kiya, in se Qatadah ne aur in se Anas bin Malik razi Allahu anhu ne bayan kiya, Qatadah ne bayan kiya ke main ne Anas razi Allahu anhu se poochha ke Rasool Allah salla Allahu alaihi wasallam ko kis tarah ka kapra zyada pasand tha bayan kiya ke habra ki sabz Yamani chadar.