Hum se Muhammad bin Musanna ne bayan kiya, kaha hum se Ghundar ne bayan kiya kaha hum se Shubah ne bayan kiya, in se Abd-ul-Malik bin Umayr ne kaha ke main ne Amr bin Huraish se suna, kaha ke main ne Saeed bin Zayd razi Allahu anhu se suna, unhon ne bayan kiya ke main ne Nabi Karim salla Allahu alaihi wasallam se suna, Nabi Karim salla Allahu alaihi wasallam ne farmaya ke khumbi «mann» mein se hai aur is ka pani aankh ke liye shifa hai. Isi sanad se Shubah ne bayan kiya ke mujhe Hakam bin Utaybah ne khabar di, unhein Hasan bin Abdullah Arani ne, unhein Amr bin Huraish ne aur unhein Saeed bin Zayd razi Allahu anhu ne aur unhein Nabi Karim salla Allahu alaihi wasallam ne yahi hadees bayan ki, Shubah ne kaha ke jab Hakam ne bhi mujh se yeh hadees bayan kar di to phir Abd-ul-Malik bin Umayr ki riwayat par mujhko itmad ho gaya kyunke Abd-ul-Malik ka hafiza aakhir mein bigar gaya tha Shubah ko sirf is ki riwayat par bharosa na raha.

Hum se Abu Naeem ne byaan kiya , unhon ne kaha ke mujh se Sufyan ne byaan kiya , un se Abdul Malik ne , un se Amr bin Hurays ne aur un se Saeed bin Zayd razi Allahu anhuma ne byaan kiya ke Nabi Karim salla Allahu alaihi wasallam ne farmaya ” «kama'atun» (yani khunbi) bhi «mannun» ki qism hai aur is ka pani aankh ki dawa hai .“

Hum se Muslim ne byaan kiya , kaha hum se Shubah ne byaan kiya , un se Abdul Malik ne , un se Amr bin Hurays ne aur un se Saeed bin Zayd razi Allahu anhuma ke Nabi Karim salla Allahu alaihi wasallam ne farmaya , khunbi «mannun» mein se hai aur is ka pani aankhon ke liye shifa hai .