Hum se Abu Aasim ne bayan kiya , in se Imam Awza'i ne bayan kiya , in se Ibn Shihab ne bayan kiya , in se Ubaidullah bin Abdullah ne aur in se Abdullah bin Abbas razi Allahu anhuma ne bayan kiya ke Rasool Allah salla Allahu alaihi wasallam ne doodh piya phir kulli ki aur farmaya ke is mein chaknahat hoti hai .

Hum se Yahya bin Bukair aur Qutaibah ne bayan kiya, unhon ne kaha hum se Laith ne bayan kiya, woh Uqail se, woh Ibn-e-Shihaab se, woh Ubaidullah bin Abdullah bin ’Utbah se, woh Abdullah bin Abbas Radhiallahu Anhuma se riwayat karte hain ke Rasoolullah Sallallahu Alaihi Wasallam ne doodh piya, phir kulli ki aur farmaaya is mein chiknaayi hoti hai. Is Hadees mein Uqail ki Younus aur Saleh bin Kaisaan ne Zohri se Mutaba’at ki hai.