Hum se Yahya bin Bukayr ne bayan kiya , kaha hum se Yaqoob bin Abd-ur-Rahman al-Qaari ne bayan kiya , in se Abu Hazim ne , unhon ne Sahl bin Saad se suna ke Abu Usayd Saadi razi Allahu anhu ne apne walima ki dawat Nabi kareem salla Allahu alaihi wasallam ko di , is din in ki biwi (Umm Usayd Salama) hi mehmanon ki khidmat kar rahi thien . Zauja Abu Usayd ne kaha tum jaante ho main ne Rasool Allahsalla Allahu alaihi wasallam ke liye kis cheez ka sharbat tayyar kiya thu patthar ke kounde mein raat ke waqt kuch khajoorein bhigo di thien aur doosre din subah ko Aap ko pila di ku .

Hum se Qutaybah bin Saeed ne byaan kiya, kaha hum se Abdul Aziz bin Abi Hazim ne byaan kiya aur un se Sahl bin Saad razi Allahu anhu ne ke Abu Usayd Saadi razi Allahu anhu ne Rasool Allah salla Allahu alaihi wasallam ko apni shadi par dawat di, in ki dulhan Umm Usayd Salamah bint Wahb zaroori jo kaam kaaj kar rahi thien aur wahi dulhan bani thien. Sahl razi Allahu anhu ne kaha tumhein maloom hai unhon ne Nabi Karim salla Allahu alaihi wasallam ko is mauqa par kiya pilaya tha? Raat ke waqt unhon ne kuch khajoorein pani mein bhigo di thien (subah ko) jab Nabi Karim salla Allahu alaihi wasallam khane se farigh huay to Aap ko wahi pilaya.

Hum se Saeed bin Abi Maryam ne byaan kiya, kaha hum se Abu Ghassan Muhammad bin Mutarrif ne byaan kiya, kaha ke mujh se Abu Hazim (Salamah bin Dinar) ne byaan kiya, un se Sahl bin Saad Saadi razi Allahu anhu ne byaan kiya ke jab Abu Usayd Saadi razi Allahu anhu ne shadi ki to unhon ne Nabi Karim salla Allahu alaihi wasallam aur Aap ke sahabah ko dawat di, is mauqa par khana in ki dulhan Umm Usayd hi ne tayyar kiya tha aur unhon ne hi mardon ke samne khana rakkha. Unhon ne patthar ke ek bare piyale mein raat ke waqt khajoorein bhigo di ku aur jab Nabi Karim salla Allahu alaihi wasallam khane se farigh huay to unhon ne hi is ka sharbat banaya aur Nabi Karim salla Allahu alaihi wasallam ke samne (tuhfa ke taur par) peene ke liye pesh kiya.

Hum se Yahya bin Bukayr ne byaan kiya, kaha hum se Yaqoob bin Abdur Rahman al-Qari ne byaan kiya, un se Abu al-Hazim ne, kaha ke main ne Sahl bin Saad razi Allahu anhu se suna ke Abu Usayd Saadi ne apni shadi ke mauqa par Rasool Allah salla Allahu alaihi wasallam ko dawat di. Is din in ki biwi hi sab ki khidmat kar rahi thien, haalan ke woh dulhan thien biwi ne kaha ya Sahl ne (rawi ko shak tha) ke tumhein maloom hai ke main ne Nabi Karim salla Allahu alaihi wasallam ke liye kiya tayyar kiya tha? Main ne Aap ke liye ek bare piyale mein raat ke waqt se khajoor ka sharbat tayyar kiya tha.

Hum se Qutaybah bin Saeed ne bayan kiya , kaha hum se Yaqoob bin Abdur Rahman ne bayan kiya , in se Abu Hazim Salama bin Dinar ne bayan kiya ke main ne Sahl bin Saad Saadi se suna , unhon ne kaha ke Abu Usayd Malik bin Rabee aaye aur Nabi kareem salla Allahu alaihi wasallam ko apne walima ki dawat di , in ki biwi hi sab kaam kar rahi thien haalan ke woh nayi dulhan thien . Sahl razi Allahu anhu ne bayan kiya tumhein maloom hai ke main ne Nabi kareem salla Allahu alaihi wasallam ko kiya pilaya thu . Nabi kareem salla Allahu alaihi wasallam ke liye unhon ne patthar ke kounde mein raat ke waqt khajoor bhigo di ku .

Mujh se Ali bin Abdullah Madini ne bayan kiya, unhon ne Abd-ul-Aziz bin Abu al-Hazim se suna, kaha mujhko mere walid ne khabar di, unhein Sahl bin Saad razi Allahu anhu ne ke Nabi Karim salla Allahu alaihi wasallam ke sahabi Abu Usayd razi Allahu anhu ne nikah kiya aur Nabi Karim salla Allahu alaihi wasallam ko apni shadi ke mauqa par bulaya. Dulhan hi in ki mezbani ka kaam kar rahi thien, phir Sahl razi Allahu anhu ne logon se poochha, tumhein maloom hai, main ne Nabi Karim salla Allahu alaihi wasallam ko kiya pilaya thu. Kaha ke raat mein Nabi Karim salla Allahu alaihi wasallam ke liye main ne khajoor ek bade piyale mein bhigo di ku aur subah ke waqt is ka pani Nabi Karim salla Allahu alaihi wasallam ko pilaya thu.