Hum se Ibn Muqatil ne bayan kiya , unhon ne kaha hum ko Abdullah ne khabar di , unhon ne kaha hum ko Ibrahim bin Saad ne khabar di , unhein un ke walid ne aur in se Abdullah bin Jafar razi Allahu anhuma ne bayan kiya ke main ne Rasool Allah salla Allahu alaihi wasallam ko kakri ke saath khajoor khate huay dekha hai .

Hum se Abdul Aziz bin Abdullah ne bayan kiya , unhon ne kaha ke mujh se Ibrahim bin Saad ne bayan kiya , in se un ke walid ne aur in se Abdullah bin Jafar bin Abi Talib razi Allahu anhuma ne bayan kiya ke main ne Nabi Karim salla Allahu alaihi wasallam ko taza khajoor kakri ke saath khate dekha hai .

Mujh se Ismail bin Abdullah ne bayan kiya , kaha ke mujh se Ibrahim bin Saad ne bayan kiya , in se un ke walid ne bayan kiya aur unhon ne Ibn Umar razi Allahu anhuma se suna ke main ne Nabi Karim salla Allahu alaihi wasallam ko khajoor ko kakri ke saath khate huay dekha .