Hum se Yahya bin Bukayr ne bayan kiya , unhon ne kaha hum se Yaqoob bin Abdur Rahman ne bayan kiya , in se Abu Hazim ne aur in se Sahl bin Saad razi Allahu anhu ne bayan kiya ke hamain Jumu'ah ke din bari khushi rehti thi . Hamari ek burhi khatoon thien woh chuqandar ki jarein le kar apni haandi mein pakati thien , oopar se kuch dane jau ke is mein daal deti thien . Hum Jumu'ah ki namaz parh kar in ki mulaqat ko jaate to woh hamare samne yeh khana rakhti thien . Jumu'ah ke din hamain bari khushi isi wajah se rehti thi . Hum namaz e Jumu'ah ke baad hi khana khaya karte thay . Allah ki qasam! Na is mein charbi hoti thi na ghee aur jab bhi hum mazay se is ko khate .

Hum se Saeed bin Abi Maryam ne byaan kiya , unhon ne kaha ke hum se Abu Ghassan Muhammad bin Matar Madni ne byaan kiya , unhon ne kaha ke mujh se Abu Hazim Salamah bin Dinar ne Sahl bin Saad ke waaste se byaan kiya , unhon ne byaan kiya ke hamare yahan aik aurat thi jo nalon par apne aik khet mein chuqandar boti . Juma ka din aata to woh chuqandar ukhaar lateen aur ise aik haandi mein pakateen phir oopar se aik mutthi jao ka aata chhirak deteun . Is tarah yeh chuqandar gosht ki tarah ho jate . Juma se wapsi mein hum unhein salam karne ke liye hazir hote to yahi pakwan hamare aage kar deteun aur hum ise chaat jate . Hum log har Juma ko un ke is khane ke aarzoomand raha karte thay .