`Mujh se Abdullah bin Abdul Wahhab ne bayan kiya, kaha hum se Hammad bin Zaid ne bayan kiya, un se Ayub ne, un se Hafsa ne aur un se Umm-e-Atiyya Radi Allahu Anha ne bayan kiya ke humein is se mana kiya gaya ke kisi mayyat ka teen din se zyada sog manayein siwa shohar ke ke is ke liye chaar mahine das din ki iddat thi. Is arsa mein hum na surma lagate na khushbu istemal karte aur na ranga kapra pehente thay. Albatta wo kapra is se alag tha jis ka (dhaga) bunne se pehle hi rang diya gaya ho. Humein is ki ijazat thi ke agar koi haiz ke baad gusl kare to is waqt Azfar ka thoda sa ood istemal kar le aur humein janaza ke peeche chalne ki bhi mamanat thi.

Hum se Abdullah bin Abdul Wahhab ne bayan kiya, unhon ne kaha hum se Hammad bin Zaid ne Ayyub Sikhtiyaani se, unhon ne Hafsa se, woh Umm-e-Atiyyah se, aap ne farmaaya ke hamein kisi mayyat par teen din se ziyada sog karne se mana kiya jaata tha. Lekin shauhar ki maut par chaar mahine das din ke sog ka hukm tha. Un dinon mein hum na surmah lagatein na khusbhoo aur Asb (Yemen ki bani hue ek chaadar jo rangeen bhi hoti thi) ke alawah koi rangeen kapda hum iste’maal nahi karti thien aur hamein (iddat ke dinon mein) haiz ke ghusl ke baad kust-e-azfaar iste’maal karne ki ijazat thi aur hamein janaaze ke peeche chalne se mana kiya jaata tha. Is Hadees ko Hishaam bin Hassan ne Hafsa se, unhon ne Umm-e-Atiyyah se, unhon ne Nabi-e-Kareem Sallallahu Alaihi Wasallam se riwayat kiya hai.