Hum se Malik bin Ismail ne byaan kiya , kaha hum ko Sufyan bin Uyaynah ne khabar di , kaha hum ko Amr bin Dinar ne khabar di , kaha hum se Jabir bin Zayd ne byaan kiya , kaha hum ko Ibn Abbas razi Allahu anhuma ne khabar di ke Rasool Allah salla Allahu alaihi wasallam ne (Maymoonah razi Allahu anha se) nikah kiya aur is waqt Aap ihram baandhe huay thay .

Hum se Abu-al-Mughira Abdul Quddus Bin Hajjaj ne bayan kiya, unhon ne kaha hum se Auzai ne bayan kiya, un se Ata Bin Abi Rabah ne bayan kiya aur un se Ibn Abbas (Radi Allahu Anhuma) ne bayan kiya ke Rasul Allah (Sallallahu Alaihi Wasallam) ne jab Maimoonah (Radi Allahu Anha) se nikah kiya to aap muhrim thay
.

Imam Bukhari Rahimahullah ne aur Ibn Ishaq ne apni riwayat mein ye izafa kiya hai ke mujh se Ibn Abi Najeeh aur Aban Bin Salih ne bayan kiya ‘ in se Ata aur Mujahid ne aur in se Ibn Abbas Radi Allahu Anhuma ne bayan kiya ke Nabi Kareem Sallallahu Alaihi Wasallam ne Maimoona Radi Allahu Anha se Umra-e-Qaza mein nikah kiya tha
.