Hum se Yaqoob bin Ibrahim ne byaan kiya , kaha hum se Hushaym ne byaan kiya , kaha hum ko Abu al-Bishr ne khabar di , unhein Saeed bin Jubayr ne aur unhein Ibn Abbas razi Allahu anhuma ne ke main ne muhkam surtein Rasool Allah salla Allahu alaihi wasallam ke zamana mein sab yaad kar li thien , main ne poocha ke muhkam surtein kaun si hain ? Kaha ke mufassal .

Mujh se Musa bin Ismail ne byaan kiya , kaha hum se Abu Awanah ne byaan kiya , un se Abu Bishr ne , un se Saeed bin Jubayr ne byaan kiya ke jin suraton ko tum mufassal kehte ho woh sab muhkam hain . Unhon ne byaan kiya ke Ibn Abbas razi Allahu anhuma ne kaha jab Rasool Allah salla Allahu alaihi wasallam ki wafat hui to meri umr das saal ki thi aur main ne muhkam surtein sab parh li thien .