Hum se Abdullah bin Maslama Qanabi ne bayan kiya Imam Malik ke wastay se , unhon ne Ibn Shihab Zuhri se , unhon ne Abbad bin Tamim se , unhon ne apne chacha Abdullah bin Zaid bin Aasim Mazni raziyallahu anhu se ke unhon ne Rasool Allah salla Allahu alaihi wa sallam ko chit lete hue dekha . Aap salla Allahu alaihi wa sallam apna ek paon doosre par rakhe hue thay . Ibn Shihab Zuhri se marwi hai , woh Saeed bin Musayyab se riwayat karte hain ke Umar aur Usman raziyallahu anhuma bhi isi tarah lete thay .

Hum se Ahmad bin Yunus ne bayan kiya, kaha hum se Ibrahim bin Saad ne bayan kiya, kaha hum se Ibn Shihab ne bayan kiya, in se Ubadah bin Tameem ne, in se un ke chacha (Abdullah bin Zayd Ansari razi Allahu anhu) ne ke unhon ne Rasool Allahsalla Allahu alaihi wasallam ko masjid mein (chit) laite huay dekha ke Aap ek paon ko doosre paon par utha kar rakkhe huay thay.

Hum se Ali bin Abdullah Madini ne bayan kiya , kaha hum se Sufyan Sawri ne bayan kiya , kaha hum se Zuhri ne bayan kiya , kaha ke mujhe Ubadah bin Tameem ne khabar di , in se un ke chacha ne bayan kiya ke main ne Rasool Allah salla Allahu alaihi wasallam ko masjid mein chit laite dekha Aap ek paon doosre par rakkhe huay thay .