Mujh se Amr bin Ali bin Fallas ne byaan kiya , kaha hum se Yahya bin Saeed Qattan ne kaha hum se Sufyan ne , kaha mujh se Sulayman Aamash ne byaan kiya , un se Ibrahim Nakhai ne , un se Abdullah bin Mamar ne aur un se Abdullah bin Masood razi Allahu anhu ne (aayat) «ila rabbihimul waseelatu» ka shaan e nuzool yeh hai ke kuch log jinon ki ibadat karte thay , lekin woh jinn baad mein Musalman ho gaye aur yeh mushrik (kam-bakht) unhi ki parastish karte jahili shariat par qaim rahe . Ubaydullah Ashjai ne is hadees ko Sufyan se riwayat kiya aur un se Aamash ne byaan kiya , is mein yun hai ke is aayat «qulid-u-llazhina zaamtum» ka shaan e nuzool yeh hai aakhir tak .

Hum se Bishr bin Khalid ne byaan kiya , unhon ne kaha hum ko Muhammad bin Jafar ne khabar di , unhein Shubah ne , unhein Sulayman Aamash ne , unhein Ibrahim Nakhai ne , unhein Abu Mamar ne aur unhein Abdullah bin Masood razi Allahu anhu ne aayat «allazhina yad-u-na yabtaghoona ila rabbihimul waseelatu» ki tafseer mein kaha ke kuch jinn aise thay jin ki aadmi parastish kiya karte thay phir woh jinn Musalman ho gaye .