Mujh se Ahmad bin Nadr ne byaan kiya , kaha hum se Ubaydullah bin Maaz ne byaan kiya , kaha hum se hamare walid ne byaan kiya , un se Shubah ne byaan kiya , un se Sahib al-Ziyadi Abdul Hameed ne jo Kurdayd ke sahib-zade thay , unhon ne Anas bin Malik razi Allahu anhu se suna ke Abu Jahl ne kaha tha ke Ae Allah! Agar yeh kalam teri taraf se waqayi haq hai to hum par aasmanon se patthar barsa de ya phir koi aur hi azab dard-naak le aa!“ To is par aayat «wa ma kanallahu liyuazzibahum wa anta feehim wa ma kanallahu muazzibahum wa hum yastaghfiroona * wa ma lahum alla yuazzibahumullahu wa hum yasuddoona anil masjidil harami» ”haalan ke Allah aisa nahi kare ga ke unhein azab de , is haal mein ke Aap in mein maujood hon aur na Allah un par azab laye ga is haal mein ke woh istighfar kar rahe hon . In logon ke liye kya wajah ke Allah un par azab (hi sirey se) na laye dar-aan halaikay woh Masjid al-Haram se rokte hain .“ Aakhir aayat tak .

Hum se Abdullah Bin Yusuf ne bayan kiya ‘ kaha hum se Laith ne bayan kiya ‘ in se Saeed ne bayan kiya ‘ in se Abu Huraira Radi Allahu Anhu ne bayan kiya ke Khaibar ki fatah ke baad Nabi Kareem Sallallahu Alaihi Wasallam ko (ek Yahoodi aurat ki taraf se) bakri ke gosht ka hadiya pesh kiya gaya jis mein zehar mila hua tha
.