Hum se Muhammad bin Yusuf ne byaan kiya , kaha un se Sufyan ne , un se Maysarah ne , un se Abu Hazim ne aur un se Abu Hurairah razi Allahu anhu ne aayat «kuntum khayra ummatin ukhrijat linnaasi» ”tum log logon ke liye sab logon se behtar ho“ aur kaha un ko gardanon mein zanjeerein daal kar (larai mein giriftar kar ke) laate ho phir woh Islam mein dakhil ho jate hain .

Hum se Muhammad Bin Bashar ne bayan kiya ‘ kaha hum se Ghundar ne bayan kiya ‘ kaha hum Shuba ne bayan kiya ‘ in se Muhammad Bin Ziyad ne aur in se Abu Hurairah (Radi Allahu Anhu) ne ke Nabi Kareem (Sallallahu Alaihi Wasallam) ne farmaya "Aise logon par Allah ko tajjub ho ga ‘ jo jannat mein beriyon samait dakhil honge (yani musalmanon ne kafiron ko pakar kar beriyon mein qaid kar diya phir wo musalman ho gaye to Allah Ta'ala un ko Islam ki wajah se jannat mein dakhil kar dega to Allah Ta'ala aise logon par tajjub karein ge ke ye log apne kufr ki wajah se pa-ba-zanjeer hue aur Islam la kar jannat mein dakhil ho gaye.)"
.