Mujh se Muhammad bin Bashar ne byaan kiya , kaha hum se Ghundar ne byaan kiya , un se Shubah ne byaan kiya , un se Mansoor ne , un se Abu al-Duha ne , un se Masrooq ne aur un se Aisha razi Allahu anha ne byaan kiya ke jab Surah al-Baqarah ki aakhri aayatein nazil huien to Rasool Allah salla Allahu alaihi wasallam ne unhein masjid mein parh kar sunaya aur sharab ki tijarat haram qarar di gayi .

Hum se Abdan bin Abdullah bin Usman ne Abu Hamza Muhammad bin Maimoon ke wastay se bayan kiya , unhon ne Amash se , unhon ne Muslim se , unhon ne Masrooq se , unhon ne Aisha raziyallahu anha se . Aap farmati hain ke jab Surah Al-Baqarah ki sood se mutalliq ayat nazil huin to Nabi Karim salla Allahu alaihi wa sallam masjid mein tashreef le gaye aur un ayat ki logon ke samne tilawat farmayi . Phir farmaya ke sharab ki tijarat haram hai .

Hum se Muhammad Bin Bashar ne bayan kiya, kaha ke hum se Ghundar ne bayan kiya, kaha ke hum se Shuba ne bayan kiya, un se Mansoor ne, un se Abu-al-Zuha ne, un se Masrooq ne aur un se Aisha (Radi Allahu Anha) ne bayan kiya ke jab (Surah) Baqarah ki aakhri ayatein «Alladheena ya'kuloona-ar-riba *** al-kh» nazil hueein to Nabi Kareem (Sallallahu Alaihi Wasallam) ne unhein Sahaba (Radi Allahu Anhum) ko masjid mein parh kar sunaya. Is ke baad un par sharab ki tijarat haram kar diya
.

Hum se Muslim Bin Ibrahim ne bayan kiya, unhon ne kaha ke hum se Shuba ne bayan kiya, un se Aamash ne bayan kiya, un se Abu Duha ne, un se Masruq ne, un se Aisha (Radi Allahu Anha) ne bayan kiya ke jab Surah Al-Baqarah ki tamam aayatein nazil ho chukin to Nabi Kareem (Sallallahu Alaihi Wasallam) bahar tashreef laye aur farmaya ke sharab ki saudagari haram qarar di gayi hai
.

Hum se Qutaiba ne bayan kiya, kaha ke hum se Laith ne bayan kiya, unhon ne kaha ke hum se Yazid Bin Abi Habib ne bayan kiya, un se Ata Bin Abi Rabah ne bayan kiya, aur un se Jabir Bin Abdullah (Radi Allahu Anhuma) ke unhon ne Rasul Allah (Sallallahu Alaihi Wasallam) se suna, Fatah Makkah ke saal Aap (Sallallahu Alaihi Wasallam) ne farmaya, Aap ka qayam abhi Makkah hi mein tha ke Allah aur is ke Rasul ne sharab, murdar, suar aur buton ka bechna haram qarar de diya hai. Is par poocha gaya ke Ya Rasul Allah! murdar ki charbi ke mutalliq kya hukum hai ? Ise hum kashtiyon par malte hain. Khalon par is se tail ka kaam lete hain aur log is se apne chiragh bhi jalate hain. Aap (Sallallahu Alaihi Wasallam) ne farmaya ke nahi wo haram hai. Isi mauqe par Aap (Sallallahu Alaihi Wasallam) ne farmaya ke Allah Yahoodiyon ko barbad kare Allah Ta'ala ne jab charbi un par haram ki to un logon ne pighla kar ise becha aur is ki qeemat khayi. Abu Asim ne kaha ke hum se Abdul Hameed ne bayan kiya, un se Yazid ne bayan kiya, unhein Ata ne likha ke mein ne Jabir (Radi Allahu Anhu) se suna aur unhon ne Nabi Kareem (Sallallahu Alaihi Wasallam) se
.

Hum se Qutaybah ne byaan kiya ‘ kaha hum se Layth ne byaan kiya ‘ un se Yazid bin Abi Habib ne ‘ un se Ata bin Abi Rabah ne aur un se Jabir bin Abdullah razi Allahu anhuma ne byaan kiya unhon ne Nabi Karim salla Allahu alaihi wasallam se suna Aap ne Fatah Makkah ke mauqa par Makkah Mukarramah mein farmaya tha ke Allah aur us ke Rasool ne sharab ki khareed o farokht mutlaq haram qarar de di hai .

Hum se Umar bin Hafs bin Ghiyas ne byaan kiya , unhon ne kaha hum se hamare walid ne byaan kiya , hum se Aamash ne byaan kiya , hum se Muslim ne byaan kiya , un se Masrooq ne aur un se Umm al-Momineen Aisha razi Allahu anha ne byaan kiya ke jab sood ke silsile mein Surah al-Baqarah ki aakhri aayatein nazil huien to Rasool Allah salla Allahu alaihi wasallam ne unhein parh kar logon ko sunaya aur is ke baad sharab ki tijarat bhi haram qarar payi .

Hum se Bishr bin Khalid ne byaan kiya , unhon ne kaha hum ko Muhammad bin Jafar ne khabar di , unhein Shubah ne , unhein Sulayman Aamash ne , unhon ne kaha ke main ne Abu al-Duha se suna , woh Masrooq se riwayat karte thay ke un se Aisha razi Allahu anha ne byaan kiya jab Surah al-Baqarah ki aakhri aayatein nazil huien to Rasool Allah salla Allahu alaihi wasallam bahar tashreef laye aur masjid mein unhein parh kar sunaya is ke baad sharab ki tijarat haram ho gayi .

Aur hum se Muhammad bin Yusuf Faryabi ne byaan kiya , un se Sufyan Sawri ne , un se Mansoor aur Aamash ne , un se Abu al-Duha ne , un se Masrooq ne aur un se Aisha razi Allahu anha ne byaan kiya ke jab Surah al-Baqarah ki aakhri aayat nazil hui to Rasool Allah salla Allahu alaihi wasallam kharay huay aur hamain parh kar sunaya phir sharab ki tijarat haram kar di .