Hum se Abu Mamar ne byaan kiya , kaha hum se Abdul Waris ne byaan kiya , in se Abdul Aziz ne aur un se Anas bin Malik razi Allahu anhu ne byaan kiya ke Nabi Karim salla Allahu alaihi wasallam dua karte thay ” «allahumma rabbana aatina fiddunya hasanatan wa fil aakhirati hasanatan wa qina azhaban naar» ”Ae Parvardigar! Hamare! Hum ko duniya mein bhi behtari de aur aakhirat mein bhi behtari aur hum ko dozakh ke azab se bachaiyo .“

Hum se Ismail bin Abi Oways ne bayan kiya, unhon ne kaha ke mujh se Imam Malik ne bayan kiya, unhon ne kaha hamase Nafi ne bayan kiya aur in se Abdullah bin Umar razi Allahu anhuma ne bayan kiya ke Rasool Allahsalla Allahu alaihi wasallam jab kisi ghazwa ya Hajj ya Umrah se wapas hote to zameen se har buland cheez par charhte waqt teen takbeerein kaha karte thay. Phir dua karte «laa ilaaha illallaahu, wahdahoo laa shareeka lahoo, lahul-mulku wa lahul-hamdu, wa huwa alaa kulli shay-in qadeer. aayiboona taa-iboona aabidoona, lirabbinaa haamidoona. sadaqallaahu wa-dahu, wa nasara abdahu, wa hazamal-ahzhaaba wahdahu» ”Allah ke siwa koi mabood nahi, woh tanha hai is ka koi shareek nahi, is ke liye badshahi hai aur isi ke liye tamam tareefein hain aur woh har cheez par qudrat rakhne wala hai. Lautte hain hum tauba karte huay apne Rabb ki ibadat karte huay aur hamd bayan karte huay. Allah ne apna wada sach kar dikhaya, apne banda ki madad ki aur tanha tamam lashkar ko shikast di.“

Hum se Musaddad ne bayan kiya, unhon ne kaha hum se Abd-ul-Waris ne bayan kiya, in se Abd-ul-Aziz ne bayan kiya aur in se Anas razi Allahu anhu ne bayan kiya ke Nabi Karim salla Allahu alaihi wasallam ki aksar yeh dua hua karti ku «allaahumma rabbanaa aatinaa fid-dunyaa hasanatan, wa fil-aakhirati hasanatan, wa qinaa azhaaban-naari» ”Ae Allah! Hamain duniya mein bhalayi ( «hasanah») ata kar aur aakhirat mein bhalayi ata kar aur hamain dozakh se bacha.“