Hum se Abdullah bin Maslamah ne byaan kiya , un se Imam Malik ne byaan kiya , un se Yahya bin Saeed ne , un se Adi bin Sabit ne aur un se Abdullah bin Yazid Khatmi ne aur unhein Abu Ayub razi Allahu anhu ne khabar di ke unhon ne Nabi Karim salla Allahu alaihi wasallam ke saath Hajjat al-Wida ke mauqa par Maghrib aur Isha mila kar ek saath parhi thien .

Hum se Adam Bin Abi Al-Ala ne bayan kiya, kaha hum se Ibn Abi Zaib ne bayan kiya, un se Zuhri ne un se Salim Bin Abdullah Bin Umar (Radi Allahu Anhuma) ne aur un se Abdullah Bin Umar (Radi Allahu Anhuma) ne bayan kiya ke Muzdalifah mein Nabi Kareem (Sallallahu Alaihi Wasallam) ne Maghrib aur Isha ek sath mila kar parheen theen har namaz alag alag takbeer ke sath na in dono ke darmiyan koi nafal-o-sunnat parhi thi aur na in ke baad
.

Hum se Khalid Bin Makhlad ne bayan kiya, unhon ne kaha ke hum se Sulaiman Bin Bilal ne bayan kiya, unhon ne kaha ke hum se Yahya Bin Abi Saeed ne bayan kiya, unhon ne kaha ke mujhe Adi Bin Sabit ne khabar di, kaha ke mujh se Abdullah Bin Yazid Khatmi ne bayan kiya, kaha ke mujh se Abu Ayub Ansari (Radi Allahu Anhu) ne kaha ke Hajjat-ul-Wida ke moqa par Rasul Allah (Sallallahu Alaihi Wasallam) ne Muzdalifah mein aa kar Maghrib aur Isha ko ek sath mila kar parha tha
.

Hum se Amr Bin Hafs Bin Ghiyas ne bayan kiya, kaha ke mujh se mere baap ne bayan kiya, kaha ke hum se Aamash ne bayan kiya, kaha ke mujh se Amarah ne Abdul Rahman Bin Yazid se bayan kiya aur un se Abdullah Bin Masood (Radi Allahu Anhu) ne ke do namazon ke siwa mein ne Nabi Kareem (Sallallahu Alaihi Wasallam) ko aur koi namaz baghair waqt nahi parhte dekha, aap (Sallallahu Alaihi Wasallam) ne Maghrib aur Isha ek sath parheen aur Fajr ki namaz bhi is din (Muzdalifah mein) mamooli waqt se pehle ada ki
.