Hum se Ishaq bin Shaheen ne byaan kiya , kaha hum ko Khalid bin Abdullah ne khabar di , unhein Khalid Hazza ne , unhein Abu Usman Nahdi razi Allahu anhu ne ke Rasool Allah salla Allahu alaihi wasallam ne Amr bin al-Aas razi Allahu anhu ko Ghazwa Zhat al-Salasil ke liye ameer e lashkar bana kar bheja . Amr bin al-Aas razi Allahu anhu ne byaan kiya ke (ghazwa se wapas aa kar) main Nabi Karim salla Allahu alaihi wasallam ki khidmat mein hazir hua aur Aap se poocha ke Aap ko sab se zyada azeez kaun shakhs hai ? Farmaya ke Aisha , main ne poocha aur mardon mein ? Farmaya ke is ke walid , main ne poocha , is ke baad kaun ? Farmaya ke Umar . Is tarah Aap ne kai aadmiyon ke naam liye bas main khamosh ho gaya ke kahin Aap mujhe sab se baad mein na kar dein .

Hum se Mu'alla bin Asad ne bayan kiya, kaha hum se Abdul Aziz bin Mukhtar ne bayan kiya, kaha hum se Khalid Hadh-dha ne, kaha hum se Abu Usman ne bayan kiya, kaha ke mujh se Amr bin al-Aas Radi Allahu Anhu ne bayan kiya ke Nabi Kareem Sallallahu Alaihi Wa Sallam ne unhein Ghazwa-e-Dhat al-Salasil ke liye bheja (Amr Radi Allahu Anhu ne bayan kiya ke) phir mein Aap Sallallahu Alaihi Wa Sallam ki khidmat mein hazir hua aur mein ne poocha ke sab se zyada mohabbat Aap ko kis se hai? Aap Sallallahu Alaihi Wa Sallam ne farmaya ke Aisha se mein ne poocha, aur mardon mein? Farmaya ke is ke baap se. Mein ne poocha, is ke baad? Farmaya ke Umar bin Khattab se. Is tarah Aap Sallallahu Alaihi Wa Sallam ne kai aadmiyon ke naam liye.