Mujh se Hasan Bin Mudrik ne bayan kiya, kaha hum se Yahya Bin Hammad ne bayan kiya, kaha hum ko Abu Awana ne khabar di, unhein Abu Bishr ne, un se Saeed Bin Jubair ne bayan kiya ke mein ne Ibn Abbas (Radi Allahu Anhuma) ke samne kaha, ”Surah Al-Hashr“ to unhon ne kaha ke ise ”Surah Nazir“ kaho (kyunke ye surat Banu Nazir hi ke bare mein nazil hui hai) is riwayat ki mutabiat Hushaim se Abu Bishr ne ki hai
.

Mujh se Muhammad bin Abdur Raheem ne byaan kiya , unhon ne kaha hum se Saeed bin Sulayman ne byaan kiya , unhon ne kaha hum ko Hushaym ne khabar di , unhon ne kaha hum ko Abu Bishr ne khabar di , un se Saeed bin Jubayr ne byaan kiya ke main ne Ibn Abbas razi Allahu anhuma se Surah al-Anfaal ke mutalliq poocha . Unhon ne batlaya ke Ghazwa Badr mein nazil hui thi . «ash-shaukatu» ka maani dhaar nauk . «murdifeena» ke maani fauj dar fauj . Kehte hain «radafani wa ardafani» yani mere baad aaya . «zhalikum fazhooqoohu zhooqoo» ka maani yeh hai ke yeh azab uthao is ka tajurba karo , munh se chakhna murad nahi hai . «fayarkumahu» ka maani is ka jama kare . «sharrid» ka maani juda kar de (ya sakht saza de) . «janahoo» ke maani talab karein . «yuskhina» ka maani ghalib hua aur Mujahid ne kaha «muka'un» ka maani ungliyaan munh par rakhna . «tasdiyatun» seeti bajana . «yusbitooka» taake tujh ko qaid kar lein .

Hum se Muhammad bin Abdur Raheem ne byaan kiya, kaha hum se Saeed bin Sulayman ne byaan kiya, kaha hum se Hushaym ne byaan kiya, kaha hum ko Abu Bishr Jafar ne khabar di, un se Saeed bin Jubayr ne byaan kiya ke main ne Abdullah bin Abbas razi Allahu anhuma se Surah at-Tauba ke mutalliq poocha to unhon ne kaha yeh Surah at-Tauba hai ya fazeehat karne wali hai is surat mein barabar yahi utarta raha baaz log aise hain aur baaz log aise hain yahan tak ke logon ko guman hua yeh surat kisi ka kuch bhi nahi chhore gi balkay sab ke bhed khol de gi. Byaan kiya ke main ne Surah al-Anfaal ke mutalliq poocha to farmaya ke yeh Jang e Badr ke baare mein nazil hui thi. Byaan kiya ke main ne Surah al-Hashr ke mutalliq poocha to farmaya ke qabila Banu Nadheer ke Yahud ke baare mein nazil hui thi.

Hum se Hasan bin Mudrik ne byaan kiya, kaha hum se Yahya bin Hammad ne byaan kiya, kaha hum ko Abu Awanah ne khabar di, unhein Abu Bishr (Jafar bin Abi) ne aur un se Saeed bin Jubayr ne byaan kiya ke main ne Ibn Abbas razi Allahu anhuma se Surah al-Hashr ke mutalliq poocha to unhon ne kaha balkay usay Surah an-Nadheer kaha.