Hum se Abu al-Waleed Hisham bin Abdul Malik ne bayan kiya, unhon ne kaha hum se Bishr bin Mufazzal ne bayan kiya, unhon ne kaha mujhe Ghalib Qattan ne Bakr bin Abdullah ke wasite se bayan kiya, unhon ne Anas bin Malik Razi Allah Anhu se kaha ke hum Nabi Kareem Sallallahu Alaihi Wasallam ke sath namaz padhte thay. Phir sakht garmi ki wajah se koi koi hum mein se apne kapre ka kinara sajde ki jagah rakh leta.

Hum se Muhammad bin Muqatil ne bayan kiya , unhon ne kaha ke humein Abdullah bin Mubarak ne khabar di , unhon ne kaha hum se Khalid bin Abdur Rahman ne bayan kiya , unhon ne kaha mujh se Ghalib Qattan ne Bakr bin Abdullah Muzani ke wastay se bayan kiya , unhon ne Anas bin Malik raziyallahu anhu se aap ne farmaya ke jab hum garmiyon mein Nabi Karim salla Allahu alaihi wa sallam ke peechay zuhr ki namaz dopahar din mein parhte thay to garmi se bachne ke liye kapron par sajda kiya karte .

Hum se Musaddad bin Musarhad ne byaan kiya , kaha ke hum se Bishr bin Mufaddal ne byaan kiya , kaha ke hum se Ghalib bin Qattan ne byaan kiya , un se Bakr bin Abdullah Mazani ne aur un se Anas bin Malik razi Allahu anhu ne ke hum sakht garmiyon mein jab Nabi Karim salla Allahu alaihi wasallam ke saath namaaz parhte aur chehre ko zameen par poori tarah rakhna mushkil ho jata to apna kapra bichha kar us par sajda kiya karte thay .