Hum se Ali bin Abdullah ne bayan kiya, kaha hum se Azhar bin Sa'd ne bayan kiya, kaha hum se Abdullah bin Awn ne bayan kiya, unhein Musa bin Anas ne khabar di aur unhein Anas bin Malik Radi Allahu Anhu ne ke Nabi Kareem Sallallahu Alaihi Wa Sallam ko ek din Thabit bin Qais Radi Allahu Anhu nahi mile to ek sahabi ne kaha: Ya Rasul Allah! Mein Aap ke liye un ki khabar lata hun. Chunanche woh un ke yahan aaye to dekha ke apne ghar mein sar jhukaye baithe hain, unhon ne poocha ke kya haal hai? Unhon ne kaha ke bura haal hai. Un ki aadat thi ke Nabi Kareem Sallallahu Alaihi Wa Sallam ke samne Aap Sallallahu Alaihi Wa Sallam se bhi unchi awaz mein bola karte thay. Unhon ne kaha isi liye mera amal gharat ho gaya aur mein dozakhiyon mein ho gaya hun. Woh sahabi Nabi Kareem Sallallahu Alaihi Wa Sallam ki khidmat mein hazir hue aur Aap Sallallahu Alaihi Wa Sallam ko ittela di ke Thabit Radi Allahu Anhu yun keh rahe hain. Musa bin Anas ne bayan kiya, lekin doosri martaba wahi sahabi Thabit Radi Allahu Anhu ke pas ek badi khushkhabri le kar wapas hue. Aap Sallallahu Alaihi Wa Sallam ne un se farmaya tha ke Thabit ke pas jao aur us se kaho ke woh ahl-e-jahannum mein se nahi hain balkay woh ahl-e-jannat mein se hain.

Hum se Ali bin Abdullah ne byaan kiya , kaha hum se Azhar bin Saad ne byaan kiya , kaha hum ko Ibn Aun ne khabar di , kaha ke mujhe Musa bin Anas ne khabar di , aur unhein Anas bin Malik razi Allahu anhu ne ke Nabi Karim salla Allahu alaihi wasallam ne Sabit bin Qays razi Allahu anhu ko nahi paya . Ek sahabi ne arz kiya: ya Rasool Allah! Main Aap ke liye in ki khabar laata hoon . Phir woh Sabit bin Qays razi Allahu anhu ke yahan aaye dekha ke woh ghar mein sar jhukaye baithe hain poocha kya haal hai ? Kaha ke bura haal hai ke Nabi Karim salla Allahu alaihi wasallam ki aawaz ke muqabla mein buland aawaz se bola karta tha ab saare naik amal akarat huay aur ahl e dozakh mein qarar de diya gaya hoon . Woh Nabi Karim salla Allahu alaihi wasallam ki khidmat mein hazir huay aur unhon ne jo kuch kaha tha is ki ittila Aap ko di . Musa bin Anas ne byaan kiya ke woh shakhs ab dobara un ke liye ek azeem bisharat le kar un ke paas aaye . Aap salla Allahu alaihi wasallam ne farmaya tha ke un ke paas jao aur kaho ke tum ahl e dozakh mein se nahi ho balkay tum ahl e jannat mein se ho .