Hum se Ahmad Bin Yunus ne bayan kiya, kaha hum se Ibrahim Bin Saad ne bayan kiya, un se Ibn Shihab ne bayan kiya, un se Abu Salama aur Aghar ne aur un se Abu Hurairah (Radi Allahu Anhu) ne bayan kiya ke Nabi Kareem (Sallallahu Alaihi Wasallam) ne farmaya "Jab Juma ka din aata hai to masjid ke har darwaze par farishte khade ho jate hain aur sab se pehle aane wale aur phir is ke baad aane walon ko number-war likhte jate hain. Phir jab Imam (khutbe ke liye mimbar par) baith jata hai to ye farishte apne register band kar lete hain aur zikr sunne lag jate hain."
.

Hum se Aadam bin Abi Iyaas ne byaan kiya , kaha ke hum se Muhammad bin Abdur Rahman bin Abi Zayb ne byaan kiya , un se Zuhri ne , un se Abu Abdullah Sulayman Aghar ne , un se Abu Hurairah razi Allahu anhu ne ke Nabi Karim salla Allahu alaihi wasallam ne farmaya ke jab Juma ka din aata hai to farishte jamay Masjid ke darwaze par aane walon ke naam likhte hain , sab se pehle aane wala oont ki qurbani dene wale ki tarah likha jata hai . Is ke baad aane wala gaaye ki qurbani dene wale ki tarah phir maindhay ki qurbani ka sawab rehta hai . Is ke baad murghi ka , is ke baad anday ka . Lekin jab Imam (khutbah dene ke liye) bahar aa jata hai to yeh farishte apne dafatir band kar dete hain aur khutbah sunne mein mashghool ho jate hain .