Hum se Abdullah Bin Yusuf ne bayan kiya, kaha hum ko Imam Malik ne khabar di, unhein Amr Bin Abdullah ke ghulam Abu-ul-Nadr ne, unhein Umm-e-Hani Bint Abi Talib ke ghulam Abu Murra ne khabar di, unhon ne Umm-e-Hani Bint Abi Talib (Radi Allahu Anha) se suna, Aap bayan karti theen ke fatah-e-Makkah ke mauqa par mein Rasul Allah (Sallallahu Alaihi Wasallam) ki khidmat mein hazir hui (Makkah mein) mein ne dekha ke Aap ghusl kar rahe thay aur Fatima (Radi Allahu Anha) Aap ki sahibzadi parda kiye hue theen. Mein ne Aap ko salam kiya, to Aap ne daryaft farmaya ke kaun sahiba hain? Mein ne arz kiya ke mein Umm-e-Hani Bint Abi Talib hoon, Aap (Sallallahu Alaihi Wasallam) ne farmaya, aao acchi aieen, Umm-e-Hani! Phir jab Aap (Sallallahu Alaihi Wasallam) ghusl se farigh hue to Aap ne khade ho kar aath rakat chasht ki namaz parhi. Aap (Sallallahu Alaihi Wasallam) sirf ek kapda jism-e-athar par laite hue thay. Mein ne arz kiya: Ya Rasul Allah! Meri maan ke bete Ali (Radi Allahu Anhu) kehte hain ke wo ek shakhs ko jise mein panah de chuki hoon, qatl kiye baghair nahi raheinge. Ye shakhs Hubaira ka falan larka (Jada) hai. Aap (Sallallahu Alaihi Wasallam) ne farmaya, Umm-e-Hani! Jise tum ne panah di, ise hamari taraf se bhi panah hai. Umm-e-Hani (Radi Allahu Anha) ne bayan kiya ke ye waqt chasht ka tha
.

Hum se Abdullah bin Maslamah Qa’nabi ne riwayat ki. Unhon ne Imam Malik se, unhon ne Umar bin Ubaidullah ke Maula Abu Nazr se ke Umm-e-Haani bint-e-Abi Talib ke Maula Abu Murrah ne unhein bataaya ke unhon ne Umm-e-Haani bint-e-Abi Talib ko yeh kehte suna ke main Fatah-e-Makkah ke din Rasoolullah Sallallahu Alaihi Wasallam ki khidmat mein haazir hue to main ne dekha ke Aap ghusl farmaa rahe hain aur Fatima Radhiallahu Anha ne pardah kar rakha hai. Nabi-e-Kareem Sallallahu Alaihi Wasallam ne poocha yeh kaun hain. Main ne arz ki ke main Umm-e-Haani hun.

Hum se Abdullah bin Maslamah Qanabi ne bayan kiya , kaha hum se Imam Malik ne , in se Amr bin Ubaidullah ke ghulam Abu al-Nadr ne , in se Umm Hani bint Abi Talib ke ghulam Abu Murrah ne khabar di ke unhon ne Umm Hani bint Abi Talib se suna . Unhon ne bayan kiya ke Fatah Makkah ke mauqa par main Rasool Allah salla Allahu alaihi wasallam ki khidmat mein hazir hui . Main ne dekha ke Aap ghusl kar rahe hain aur Aap ki sahibzadi Fatima razi Allahu anha ne parda kar diya hai . Main ne salam kiya to Nabi Karim salla Allahu alaihi wasallam ne daryaft kiya ke yeh kaun hain ? Main ne kaha ke Umm Hani bint Abi Talib hoon . Nabi Karim salla Allahu alaihi wasallam ne farmaya , Umm Hani! Marhaba ho . Jab Aap ghusl kar chuke to khare ho kar aath rakaat parhien . Aap is waqt ek kapre mein jism mubarak ko lapeite huay thay . Jab namaz se farigh ho gaye to main ne arz kiya: ya Rasool Allah! Mere bhai (Ali bin Abi Talib razi Allahu anhu) ka khayal hai ke woh ek aise shakhs ko qatl karein ge jise main ne aman de rakkhi hai . Yani falan bin Hubaira ko . Nabi Karim salla Allahu alaihi wasallam ne farmaya ke Umm Hani jise tum ne aman di usay hum ne bhi aman di . Umm Hani ne bayan kiya ke yeh namaz chasht ki thi .