Hum se Abu Bakr Bin Asram ne bayan kiya ‘ unhon ne kaha hum ko Abdullah Bin Mubarak ne khabar di ‘ unhon ne kaha hum ko Ma'mar ne khabar di ‘ unhein Hammam Bin Munabbih ne aur in se Abu Hurairah (Radi Allahu Anhu) ne bayan kiya ke Nabi Kareem (Sallallahu Alaihi Wasallam) ne farmaya "Larayi kya hai? Ek chaal hai."
.

Hum se Abdul Aziz Bin Abdullah ne bayan kiya, kaha hum se Ibrahim Bin Saad ne bayan kiya Salih Bin Kaisan se, un se Ibn Shihab ne, unhein Humaid Bin Abdur Rahman ne khabar di ke un ki walda Umm-e-Kulsoom Bint Utba ne unhein khabar di aur unhon ne Nabi Kareem (Sallallahu Alaihi Wasallam) ko ye farmate suna tha ke jhoota wo nahi hai jo logon mein baaham sula karane ki koshish kare aur is ke liye kisi acchi baat ki chughli khaye ya isi silsila ki aur koi acchi baat keh de
.

Aur Aap (Sallallahu Alaihi Wasallam) ne larayi ko makr aur fareb farmaya
.

Hum se Sadaqah Bin Fazl ne bayan kiya ‘ kaha hum ko Ibn Uyainah ne khabar di ‘ unhein Amr ne ‘ unhon ne Jabir Bin Abdullah (Radi Allahu Anhuma) se suna ‘ aap ne bayan kiya ke Nabi Kareem (Sallallahu Alaihi Wasallam) ne farmaya tha "Jung to ek chal-baazi ka naam hai."
.