Hum se Ahmad Bin Yunus ne bayan kiya ‘ kaha hum ko Laith ne khabar di ‘ unhein Nafi ne aur unhein Abdullah (Radi Allahu Anhu) ne khabar di ke Nabi Kareem (Sallallahu Alaihi Wasallam) ke ek ghazwah (Ghazwah-e-Fatah) mein ek aurat maqtool payi gayi to Rasul Allah (Sallallahu Alaihi Wasallam) ne auraton aur bacchon ke qatl par inkar ka izhar farmaya
.

Hum se Ishaq Bin Ibrahim ne bayan kiya ‘ kaha ke mein ne Abu Usama se poocha, kya Ubaidullah ne aap se ye hadees bayan ki hai ke in se Nafi ne aur in se Abdullah Bin Umar (Radi Allahu Anhuma) ne ke ek aurat Rasul Allah (Sallallahu Alaihi Wasallam) ke zamana mein kisi ghazwe mein maqtool payi gayi to Nabi Kareem (Sallallahu Alaihi Wasallam) ne auraton aur bacchon ke qatl se mana farmaya (to unhon ne is ka iqrar kiya)
.