Hum se Ishaq Bin Ibrahim ne bayan kiya, kaha ke hum ko Jarir ne khabar di Amarah Bin Qaqaa se, unhein Abu Zur'ah ne aur un se Abu Hurairah (Radi Allahu Anhu) ne bayan kiya ke Nabi Kareem (Sallallahu Alaihi Wasallam) ne farmaya "Qayamat us waqt tak qaim na hogi jab tak yahudi se tumhari jung na ho legi aur wo patthar bhi us waqt (Allah Ta'ala ke hukm se) bol utthein ge jis ke peeche yahudi chhupa hua hoga ke ae musalman! Ye yahudi meri aar le kar chhupa hua hai ise qatl kar dalo."
.

Hum se Ishaq Bin Muhammad Farwi ne bayan kiya, kaha hum se Imam Malik ne bayan kiya, un se Nafi ne aur un se Abdullah Bin Umar (Radi Allahu Anhuma) ne ke Rasul Allah (Sallallahu Alaihi Wasallam) ne farmaya "(ek daur aaye ga jab) tum yahudiyon se jung karo ge. (aur wo shikast kha kar bhagte phirein ge) koi yahudi agar patthar ke peeche chhup jaye ga to wo patthar bhi bol utthe ga ke ae Allah ke bande! Ye yahudi mere peeche chhupa baitha hai ise qatl kar daal."
.

Hum se Hakam bin Nafi ne bayan kiya, kaha hum ko Shuaib ne khabar di, un se Zuhri ne bayan kiya, kaha ke mujhe Salim bin Abdullah ne khabar di ke Abdullah bin Umar Radi Allahu Anhuma ne bayan kiya ke mein ne Rasoolullah Sallallahu Alaihi Wa Sallam ko yeh farmate suna tha ke tum Yahudiyon se ek jang karoge aur is mein un par ghalib aa jaoge. Is waqt yeh kaifiyat hogi ke (agar koi Yahudi jaan bachane ke liye kisi pahar mein bhi chup jayega to) patthar bolega ke Ae Musalman! Yeh Yahudi meri aar mein chupa hua hai, ise qatal kar de.