Hum se Abul Waleed ne bayan kiya, kaha hum se Hammam ne bayan kiya, un se Qatada ne aur un se Anas (Radi Allahu Anhu) ne, doosri sanad hum se Muhammad Bin Sinan ne bayan kiya un se Qatada ne un se Anas ne ke Abdur Rahman Bin Auf aur Zubair Bin Awwam (Radi Allahu Anhuma) ne ke Nabi Kareem (Sallallahu Alaihi Wasallam) se juon ki shikayat ki to Rasul Allah (Sallallahu Alaihi Wasallam) ne unhein reshmi kapre ke istemal ki ijazat de di, phir mein ne jihad mein unhein reshmi kapra pehne hue dekha
.

Hum se Ahmad Bin Miqdam ne bayan kiya, kaha hum se Khalid Bin Haris ne bayan kiya, kaha hum se Saeed Bin Abi Arubah ne bayan kiya, un se Qatada ne aur un se Anas Bin Malik (Radi Allahu Anhu) ne ke Nabi Kareem (Sallallahu Alaihi Wasallam) ne Abdur Rahman Bin Auf aur Zubair (Radi Allahu Anhuma) ko kharish ke marz ki wajah se reshmi kurta pehenne ki ijazat de di thi, jo in donon ko lahiq ho gayi thi jo is marz mein mufeed hai
.

Hum se Muhammad Bin Bashar ne bayan kiya, kaha hum se Ghundar ne bayan kiya, kaha hum se Shuba ne bayan kiya, unhon ne Qatada se suna aur unhon ne Anas (Radi Allahu Anhu) se ke (Nabi Kareem Sallallahu Alaihi Wasallam ne) rukhsaat di thi ya (ye bayan kiya ke) rukhsaat di gayi thi, in donon hazrat ko kharish ki wajah se jo un ko lahiq ho gayi thi
.

Hum se Muhammad ne bayan kiya, kaha hum ko Shubah ne khabar di, unhein Qatadah ne aur in se Anas razi Allahu anhu ne bayan kiya ke Nabi Karim salla Allahu alaihi wasallam ne Zubayr aur Abdur Rahman razi Allahu anhuma ko kyunke unhein kharish ho gayi thi, resham pehnne ki ijazat di thi.