Hum se Abdullah Bin Muhammad ne bayan kiya, kaha hum se Muawiyah ne bayan kiya, kaha hum se Abu Ishaq ne, un se Musa Bin Uqba ne, un se Nafi ne aur un se Abdullah Bin Umar (Radi Allahu Anhuma) ne bayan kiya ke Nabi Kareem (Sallallahu Alaihi Wasallam) ne un ghoron ki dour karayi jinhein tayyar kiya gaya tha. Ye dour maqaam-e-Hafya se shuru karayi aur Saniyyat-ul-Wada is ki aakhri had thi (Abu Ishaq rawi ne bayan kiya ke) mein ne Abu Musa se poocha is ka fasla kitna tha? To unhon ne bataya ke che ya saat mil aur Aap (Sallallahu Alaihi Wasallam) ne un ghoron ki bhi dour karayi jinhein tayyar nahi kiya gaya tha. Aise ghoron ki dour Saniyyat-ul-Wada se shuru hui aur had Masjid-e-Bani Zureeq thi. Mein ne poocha is mein kitna fasla tha? Unhon ne kaha ke taqreeban ek mil. Ibn Umar (Radi Allahu Anhuma) bhi dour mein shirkat karne walon mein thay
.

Hum se Abdullah bin Yusuf ne bayan kiya , unhon ne kaha ke humein Imam Malik ne khabar di , unhon ne Nafi ke wastay se bayan kiya , unhon ne Abdullah bin Umar raziyallahu anhuma se ke Rasool Allah salla Allahu alaihi wa sallam ne un ghoro ki jinhein jihad ke liye tayyar kiya gaya tha maqam Hafya se daur karayi , is daur ki hadd Thaniyyat al-Wada thi aur jo ghore abhi tayyar nahi hue thay un ki daur Thaniyyat al-Wada se masjid Bani Zuraiq tak karayi . Abdullah bin Umar raziyallahu anhuma ne bhi is ghora daur mein shirkat ki thi .

Ibrahim bin Tahman ne kaha , Abdul Aziz bin Suhaib se , unhon ne Anas raziyallahu anhu se riwayat kiya ke Nabi Karim salla Allahu alaihi wa sallam ke pas Bahrain se raqam aayi . Aap salla Allahu alaihi wa sallam ne farmaya ke isay masjid mein daal do aur yeh raqam is tamam raqam se zyada thi jo ab tak aap salla Allahu alaihi wa sallam ki khidmat mein aa chuki thi . Phir aap salla Allahu alaihi wa sallam namaz ke liye tashreef laye aur is ki taraf koi tawajjuh nahi farmayi , jab aap salla Allahu alaihi wa sallam namaz poori kar chukay to aa kar maal raqam ke pas baith gaye aur isay taqseem karna shuru farma diya . Is waqt jisay bhi aap salla Allahu alaihi wa sallam dekhte usay ata farma dete . Itne mein Abbas raziyallahu anhu hazir hue aur bole ke ya Rasool Allah! mujhe bhi ata kijiye kyunke mein ne ghazwa Badr mein apna bhi fidya diya tha aur Aqeel ka bhi is liye mein zair bar hun Rasool Allah salla Allahu alaihi wa sallam ne farmaya ke le lijiye . Unhon ne apne kapre mein rupaya bhar liya aur isay uthane ki koshish ki lekin wazan ki zyadti ki wajah se woh na utha sakay aur kehne lage ya Rasool Allah! kisi ko farmaye ke woh uthane mein meri madad kare . Aap salla Allahu alaihi wa sallam ne farmaya nahi yeh nahi ho sakta unhon ne kaha ke phir aap hi uthwa dijiye . Aap salla Allahu alaihi wa sallam ne is par bhi inkar kiya , tab Abbas raziyallahu anhu ne is mein se thora sa gira diya aur baqi ko uthane ki koshish ki , lekin ab bhi na utha sakay phir farmaya ke ya Rasool Allah! kisi ko meri madad karne ka hukm dijiye . Aap salla Allahu alaihi wa sallam ne inkar farmaya to unhon ne kaha ke phir aap hi uthwa dijiye . Lekin aap salla Allahu alaihi wa sallam ne is se bhi inkar kiya , tab unhon ne is mein se thora sa rupaya gira diya aur isay utha kar apne kandhe par rakh liya aur chalne lage , Rasool Allah salla Allahu alaihi wa sallam ko un ki is hirs par itna taajjub hua ke aap salla Allahu alaihi wa sallam is waqt tak un ki taraf dekhte rahe jab tak woh hamari nazron se ghaib nahi ho gaye aur aap salla Allahu alaihi wa sallam bhi wahan se is waqt tak na uthay jab tak ke ek chooni bhi baqi rahi .

Hum se Qabisah ne bayan kiya, kaha hum se Sufyan Sauri ne bayan kiya, un se Ubaidullah ne, un se Nafi ne aur un se Ibn Umar (Radi Allahu Anhuma) ne bayan kiya ke Nabi Kareem (Sallallahu Alaihi Wasallam) ne tayyar kiye hue ghoron ki dour maqaam-e-Hafya se Saniyyat-ul-Wada tak karayi thi aur jo ghore tayyar nahi kiye gaye thay un ki dour Saniyyat-ul-Wada se Masjid-e-Zureeq tak karayi thi. Ibn Umar (Radi Allahu Anhuma) ne bayan kiya ke ghor-dour mein shareek hone walon mein mein bhi tha. Abdullah ne bayan kiya ke hum se Sufyan ne bayan kiya, kaha ke mujh se Ubaidullah ne bayan kiya, un se Sufyan Sauri ne bayan kiya ke Hafya se Saniyyat-ul-Wada tak panch mil ka fasla hai aur Saniyyat-ul-Wada se Masjid-e-Bani Zureeq sirf ek mil ke fasle par hai
.

Hum se Ahmad Bin Yunus ne bayan kiya, kaha hum se Laith ne bayan kiya, un se Nafi ne aur un se Abdullah (Radi Allahu Anhuma) ne ke Nabi Kareem (Sallallahu Alaihi Wasallam) ne un ghoron ki dour karayi thi jinhein tayyar nahi kiya gaya tha aur dour ki had Saniyyat-ul-Wada se Masjid-e-Bani Zureeq rakhi thi aur Abdullah Bin Umar (Radi Allahu Anhuma) ne bhi is mein shirkat ki thi. Abu Abdullah ne kaha ke «amda» (hadees mein) had aur intiha ke maani mein hai. (Quran Majeed mein hai) «ftal elyhm alamd» yani "Phir un par lambi muddat guzar gayi" jo isi maani mein hai
.

`Hum se Musa bin Ismail ne bayan kiya, kaha hum se Juwairiya ne bayan kiya, un se Nafi ne aur un se Abdullah Radi Allahu Anhu ne bayan kiya ke Rasul Allah صلی اللہ علیہ وسلم ne ghodon ki daud karayi aur wo ghode chhode gaye jo ghod-daud ke liye tayyar kiye gaye thay to un ke daudne ka maidan maqaam-e-Hafya se Saniyyat al-Wada tak tha aur jo tayyar nahi kiye gaye thay un ke daudne ka maidan Saniyyat al-Wada se Masjid-e-Bani Zuraiq tak tha aur Abdullah Radi Allahu Anhu bhi un logon mein thay jinhon ne muqable mein hissa liya tha.