Hum se Bishr Bin Muhammad ne bayan kiya, kaha hum ko Abdullah ne khabar di, kaha hum ko Aasim ne khabar di Hafsa Bint Sireen se aur unhon ne Anas Bin Malik (Radi Allahu Anhu) se ke Nabi Kareem (Sallallahu Alaihi Wasallam) ne farmaya "Taoon ki maut har musalman ke liye shahadat ka darja rakhti hai."
.

Farmaya ke agar log jaan lein jo sawab namaaz ke liye jaldi aane mein hai to ek doosre se aage barhen aur agar Isha aur subah ki namaaz ke sawab ko jaan lein to us ke liye zaroor ayen . Khwah sareen ke bal aana pare aur agar pehli saf ke sawab ko jaan lein to us ke liye qurah andazi karen .

Hum se Abdullah Bin Yusuf ne bayan kiya, kaha hum ko Imam Malik ne khabar di, unhein Sumi ne, unhein Abu Salih ne aur unhein Abu Hurairah (Radi Allahu Anhu) ne ke Nabi Kareem (Sallallahu Alaihi Wasallam) ne farmaya "Shaheed panch qism ke hote hain. Taoon mein halak hone wala, pait ki bemari mein halak hone wala, doob kar marne wala, dab kar mar jaane wala aur Allah ke raste mein shahadat pane wala."
.

Hum se Musa bin Ismail ne bayan kiya, kaha hum se Abd-ul-Wahid ne bayan kiya, kaha hum se Aasim ne bayan kiya, kaha mujh se Hafsa bint Sireen ne bayan kiya, kaha ke mujh se Anas bin Malik razi Allahu anhu ne poochha ke Yahya bin Sireen ka kis beemari mein intiqal hua tha. Main ne kaha ke taoon mein, bayan kiya ke Rasool Allah salla Allahu alaihi wasallam ne farmaya ke taoon har Musalman ke liye shahadat hai.