Hum se Hassan Bin Abi Abbad ne bayan kiya ' kaha hum se Hammam ne bayan kiya Qatadah se aur un se Anas (Radi Allahu Anhu) ne ke ek Yahoodi ne ek (Ansari) larki ka sar do pattharon ke darmiyan mein rakh kar kachal diya tha. Larki se poocha gaya ke tumhara sar is tarah kis ne kiya hai? Kya falan shakhs ne kiya? Falan ne kiya? Aakhir Yahoodi ka bhi naam liya gaya (jis ne us ka sar kachal diya tha) to larki ne sar ke ishaare se haan mein jawab diya. Phir wo Yahoodi bulaya gaya aur aakhir us ne bhi iqrar kar liya aur Nabi Kareem (Sallallahu Alaihi Wasallam) ke hukm se us ka bhi patthar se sar kachal diya gaya
.

Hum se Musa ne bayan kiya, kaha ke hum se Hammam ne bayan kiya, un se Qatadah ne aur un se Anas (Radi Allahu Anhu) ne bayan kiya ke ek Yahoodi ne ek larki ka sar do pattharon ke darmiyan rakh kar kuchal diya tha. (Is mein kuch jaan baqi thi) us se poocha gaya ke tere sath ye kis ne kiya hai ? Kya falan ne, falan ne ? Jab is Yahoodi ka naam aya to us ne apne sar se isharah kiya (ke han) Yahoodi pakra gaya aur us ne bhi jurm ka iqrar kar liya, Nabi Kareem (Sallallahu Alaihi Wasallam) ne hukum diya aur is ka sar bhi do pattharon ke darmiyan rakh kar kuchal diya gaya
.

Hum se Muhammad ne bayan kiya, kaha hum ko Abdullah bin Idrees ne khabar di, unhein Shubah ne, unhein Hisham bin Zayd bin Anas ne, in se un ke dada Anas bin Malik razi Allahu anhu ne bayan kiya ke Madinah Munawwarah mein ek larki chaandi ke zewar pehne bahar nikli. Rawi ne bayan kiya ke phir usay ek Yahudi ne patthar se maar diya. Jab usay Nabi Karim salla Allahu alaihi wasallam ke paas laya gaya to abhi is mein jaan baqi thi. Nabi Karim salla Allahu alaihi wasallam ne poochha tumhein falan ne mara hai? Is par larki ne apna sar (inkar ke liye) uthaya, phir Nabi Karim salla Allahu alaihi wasallam ne poochha tumhein falan ne mara hai? Larki ne is par bhi uthaya. Teesri martaba Nabi Karim salla Allahu alaihi wasallam ne poochha, falan ne tumhein mara hai? Is par larki ne apna sar neeche ki taraf jhuka liya (iqrar karte huay jhuka liya) chunanche Nabi Karim salla Allahu alaihi wasallam ne is shakhs ko bulaya tab Aap salla Allahu alaihi wasallam ne do pattharon se kuchal kar usay qatl karaya.

Mujh se Ishaq ne bayan kiya, kaha hamain ko Habban bin Hilal ne khabar di, kaha hum se Humam bin Yahya ne bayan kiya, kaha hamase Qatadah ne bayan kiya aur in se Anas bin Malik razi Allahu anhu ne bayan kiya ke ek Yahudi ne ek larki ka sar do pattharon ke darmiyan mein le kar kuchal diya thu. Is larki se poochha gaya ke yeh tumhare saath kis ne kiya? kiya falan ne kiya hai? kiya falan ne kiya hai? Aakhir jab is Yahudi ka naam liya gaya to is ne apne sar ke ishare se (haan) kaha phir Yahudi laya gaya aur is ne iqrar kar liya chunanche Nabi Karim salla Allahu alaihi wasallam ke hukm se is ka bhi sar patthar se kuchal diya gaya. Humam ne do pattharon ka zikr kiya hai.

Hum se Musaddad ne bayan kiya, kaha hum se Yahya bin Zhuri ne bayan kiya, kaha hamase Saeed ne bayan kiya, in se Qatadah ne aur in se Anas bin Malik razi Allahu anhu ne ke Nabi Karim salla Allahu alaihi wasallam ne ek Yahudi ko ek larki ke badle mein qatl kara diya thu, Yahudi ne is larki ko chaandi ke zewaraat ke lalach mein qatl kar diya thu.