Hum se Hajjaj Bin Minhal ne bayan kiya, kaha hum se Shuba ne bayan kiya, kaha mujhe Muhammad Bin Ziyad ne khabar di, unhon ne kaha ke mein ne Abu Hurairah (Radi Allahu Anhu) se suna aur unhon ne Nabi Kareem (Sallallahu Alaihi Wasallam) se ke jab kisi ka ghalam khana laye aur wo ise apne sath (khilane ke liye) na bitha sake to ise ek ya do niwale zaroor khila de ya Aap (Sallallahu Alaihi Wasallam) ne "luqmatun aw luqmataini" ke badal "aklatun aw aklataini" farmaya (yani ek ya do luqme) kyunke isi ne is ko tayyar karne ki takleef uthayi hai
.

Hum se Hafs bin Umar ne bayan kiya , kaha hum se Shubah ne bayan kiya , in se Muhammad ne , woh Ziyad ke sahibzade hain , kaha ke main ne Abu Hurairah razi Allahu anhu se suna , in se Nabi Karim salla Allahu alaihi wasallam ne farmaya ke jab tum mein kisi shakhs ka khadim is ka khana laye to agar woh usay apne saath nahi bitha sakta to kam az kam ek ya do luqma is khane mein se usay khila de (kyunke) us ne (pakate waqt) is ki garmi aur tayyari ki mushaqqat bardasht ki hai .