Hum se Muhammad Bin Abi Bakr ne bayan kiya, unhon ne kaha hum se Assam ne bayan kiya, unhon ne kaha hum se Hisham ne bayan kiya, un se Fatima Bint Munzir ne bayan kiya aur un se Asma Bint Abi Bakr (Radi Allahu Anhuma) ne bayan kiya ke hamein sooraj garehan ke waqt ghalam azad karne ka hukm diya jata tha
.

Hum se Musa bin Ismail ne bayan kiya, un se Wuhaib ne, un se Hishaam ne Fatima ke waaste se naql kiya, woh Asma se riwayat karti hain ke main Aisha Radhiallahu Anha ke paas aayi, woh Namaz padh rahi thein, main ne kaha ke logon ka kya haal hai? To unhon ne aasman ki taraf ishaara kiya (yani suraj ko gahan laga hai) itne mein log (Namaz ke liye) khade ho gaye. Aisha Radhiallahu Anha ne kaha, Allah paak hai. Main ne kaha (kya yeh gahan) koi (khaas) nishaani hai? Unhon ne sar se ishaara kiya yani haan! Phir main (bhi Namaz ke liye) khadi ho gayi. Hatta ke mujhe ghash aane laga, to main apne sar par paani daalne lagi. Phir (Namaz ke baad) Rasoolullah Sallallahu Alaihi Wasallam ne Allah Ta’ala ki ta’reef aur us ki sifat bayan farmaayi, phir farmaaya, jo cheez mujhe pehle dikhlaayi nahi gayi thi aaj woh sab is jagah main ne dekh li, yahan tak ke jannat aur dozakh ko bhi dekh liya aur mujh par yeh Wahi ki gayi ke tum apni qabron mein aazmaaye jaaoge, «مِثْل» ya «قَرِيب» ka kaun sa lafz Asma ne farmaaya, main nahi jaanti, Fatima kehti hain (yani) fitna-e-Dajjaal ki tarah (aazmaaye jaaoge) kaha jaayega (qabr ke andar ke) tum is aadmi ke baare mein kya jaante ho? To jo sahib-e-imaan ya sahib-e-yaqeen hoga, kaun sa lafz farmaaya Asma Radhiallahu Anha ne, mujhe yaad nahi. Woh kahega woh Muhammed Allah ke Rasool Sallallahu Alaihi Wasallam hain, jo hamaare paas Allah ki hidaayat aur daleelen le kar aaye to hum ne un ko qabool kar liya aur un ki pairwi ki woh Muhammed Sallallahu Alaihi Wasallam hain. Teen baar (isi tarah kahega) phir (us se) keh diya jaayega ke aaraam se so jaa be-shak hum ne jaan liya ke tu Muhammed Sallallahu Alaihi Wasallam par yaqeen rakhta tha. Aur beher-haal munafiq ya shakki aadmi, main nahi jaanti ke in mein se kaun sa lafz Asma Radhiallahu Anha ne kaha. To woh (munafiq ya shakki aadmi) kahega ke jo logon ko main ne kehte suna main ne (bhi) wahi keh diya. (Baaqi main kuch nahi jaanta.)

Hum se Rabee bin Yahya ne byaan kiya , kaha ke hum se Zaidah ne Hisham se byaan kiya , un se Fatimah ne , un se Asma razi Allahu anha ne ke Rasool Allah salla Allahu alaihi wasallam ne sooraj grahan mein ghulam azaad karne ka hukum farmaya .

Hum se Musa Bin Masood ne bayan kiya, unhon ne kaha ke hum se Zaida Bin Qudama ne bayan kiya, un se Hisham Bin Urwah ne, un se Fatima Bin Munzir ne aur un se Asma Bint Abi Bakr (Radi Allahu Anhuma) ne bayan kiya ke Rasul Allah (Sallallahu Alaihi Wasallam) ne sooraj garehan ke waqt ghalam azad karne ka hukm farmaya hai. Musa ke sath is hadees ko Ali Bin Madini ne bhi Abdul Aziz Dara-wardi se Riwayat kiya hai. Unhon ne Hisham se
.