Hum se Muhammad ne bayan kiya, kaha hum ko Abdullah ne khabar di, kaha hum ko Hisham Bin Urwah ne khabar di, unhein un ke baap ne, aur un se Aisha (Radi Allahu Anha) ne (Quran Majeed ki ayat) «وإن امرأة خافت من بعلها نشوزا أو إعراضا» ”Agar koi aurat apne shohar ki taraf se nafrat ya is ke munh pherne ka khauf rakhti ho“ ke baare mein farmaya ke kisi shakhs ki biwi hai lekin shohar is ke paas ziyada aata jata nahi balkay ise juda karna chahta hai is par is ki biwi kehti hai ke mein apna haq tumhe maaf karti hoon. Isi baare mein ye ayat nazil hui
.

Hum se Qutaiba Bin Saeed ne bayan kiya, kaha hum se Sufyan Sawri ne bayan kiya Hisham Bin Urwah se, un se un ke walid ne aur un se Aisha (Radi Allahu Anha) ne (Allah Ta'ala ke is farman ki tafseer mein farmaya) "Wa inra-atun khaafat min ba'liha nushoozan aw i'radan" "Agar koi aurat apne shohar ki taraf se be-tawajjohi dekhe." To is se murad aisa shohar hai jo apni biwi mein aaisi cheezin paye jo ise pasand na hon, umar ki zyada-ti waghera aur is liye ise apne se juda karna chahta ho aur aurat kahe ke mujhe juda na karo (nafaqa waghera) jis tarah tum chaho dete rehna, to unhon ne farmaya ke agar donon is par razi ho jayein to koi haraj nahi hai
.

Hum se Muhammad bin Muqatil ne byaan kiya , kaha hum ko Abdullah bin Mubarak ne khabar di , kaha hum ko Hisham bin Urwah ne khabar di , unhein un ke walid ne aur un se Aisha razi Allahu anha ne aayat «wa in imra'atun khaafat min baliha nushoo-zhan au i'raadan» ”aur kisi aurat ko apne shohar ki taraf se ziyadati ya be-raghbat-i ka khauf ho“ ke mutalliq kaha ke aisa mard jis ke saath is ki biwi rehti hai , lekin shohar ko is ki taraf koi khaas tawajjo nahi , balkay woh usay juda kar dena chahta hai , is par aurat kehti hai ke main apni baari aur apna (naan nafqah) maaf kar deti hoon (tum mujhe talaq na do) to aaisi surat ke mutalliq yeh aayat isi baab mein utri .

Hum se Ibn Salam ne byaan kiya , kaha hum ko Abu Muawiyah ne khabar di , unhein Hisham bin Urwah ne , unhein un ke walid ne aur un se Aisha razi Allahu anha ne aayat «wa in-imra'atun khaafat mim ba'liha nushoozan au iraadan» ”aur agar koi aurat apne shohar ki taraf se nafrat aur munh morne ka khauf mehsoos kare .“ Ke mutalliq farmaya ke aayat mein aaisi aurat ka byaan hai jo kisi mard ke paas ho aur woh mard usay apne paas zyada na bulata ho balkay usay talaq dene ka irada rakhta ho aur is ke bajaye doosri aurat se shadi karna chahta ho lekin is ki maujooda biwi is se kahe ke mujhe apne saath hi rakho aur talaq na do . tum meere siwa kisi aur se shadi kar sakte ho , meere kharch se bhi tum aazad ho aur tum par baari ki bhi koi pabandi nahi to is ka zikr Allah Ta'ala ke is irshad mein «fala junaha alayhuma an yasalaha baynahuma sulhan was-sulhu khayrun» ke ”pas in par koi gunah nahi agar woh aapas mein sulah kar lein aur sulah bahar-haal behtar hai .“