Hum se Yahya Bin Bukair ne bayan kiya, unhon ne kaha ke hum se Laith ne bayan kiya, unhon ne kaha ke mujh se Jafar Bin Rabia ne bayan kiya, aur Yahya Bin Bukair ke ilawa ne bayan kiya ke mujh se Laith ne bayan kiya, kaha ke mujh se Jafar Bin Rabia ne bayan kiya, un se Abdur Rahman Bin Hurmuz ne, un se Abdullah Bin Kaab Bin Malik Ansari ne, aur un se Kaab Bin Malik (Radi Allahu Anhu) ne ke Abdullah Bin Abi Hadrad Aslami (Radi Allahu Anhu) par in ka qarz tha, in se mulaqat hui to unhon ne un ka peecha kiya. Phir donon ki guftagu taiz hone lagi. Aur aawaz buland ho gayi. Itne mein Rasul Allah (Sallallahu Alaihi Wasallam) ka idhar se guzar hua. Aur Aap (Sallallahu Alaihi Wasallam) ne farmaya, ay Kaab! aur Aap (Sallallahu Alaihi Wasallam) ne apne hath se isharah kar ke goya ye farmaya ke aadhe qarz ki kami kar day. Chunanche unhon ne aadha lay liya aur aadha qarz maaf kar diya
.

Hum se Abdullah bin Muhammad Musandi ne bayan kiya , unhon ne kaha hum se Usman bin Umar Abdi ne bayan kiya , unhon ne kaha ke mujhe Yunus bin Yazid ne Zuhri ke wastay se , unhon ne Abdullah bin Kab bin Malik se , unhon ne apne walid Kab bin Malik se ke unhon ne masjid Nabwi mein Abdullah Ibn Abi Hadrad se apne qarz ka talab kiya aur dono ki guftugu buland awazon se hone lagi . Yahan tak ke Rasool Allah salla Allahu alaihi wa sallam ne bhi apne hijra se sun liya . Aap parda hata kar bahar tashreef laye aur pukara . Kab , Kab raziyallahu anhu bole , ji ya Rasool Allah! hukm farmaye kya irshad hai ? Aap salla Allahu alaihi wa sallam ne farmaya ke tum apne qarz mein se itna kam kar do . Aap ka ishara tha ke aadha kam kar den . Unhon ne kaha ya Rasool Allah! mein ne bukhushi aisa kar diya . Phir aap ne Ibn Abi Hadrad se farmaya , achha ab utho aur is ka qarz ada karo . Jo aadha maaf kar diya gaya hai .