Hum se Musaddad ne bayan kiya, kaha ke hum se Abdul Ala ne bayan kiya, un se Maamar ne, un se Hammam Bin Munabbah, Wahb Bin Munabbah ke bhai ne, unhon ne Abu Hurairah (Radi Allahu Anhu) se suna ke Rasul Allah (Sallallahu Alaihi Wasallam) ne farmaya, malidar ki taraf se (qarz ki adayigi mein) taal matol karna zulm hai
.

Hum se Abdullah Bin Yusuf ne bayan kiya, kaha ke hum ko Imam Malik (Rahimahullah) ne khabar di, unhein Abuz Zanad ne, unhein Aaraj ne aur unhein Abu Hurairah (Radi Allahu Anhu) ne ke Rasul Allah (Sallallahu Alaihi Wasallam) ne farmaya (qarz ada karne mein) maldar ki taraf se taal matol karna zulm hai. Aur agar tum mein se kisi ka qarz kisi maldar par hawala diya jaye to ise qabool kare
.

Hum se Muhammad Bin Yusuf ne bayan kiya, kaha ke hum se Sufyan Sawri ne bayan kiya, un se Ibn Zakwan ne, un se Aaraj ne aur un se Abu Hurairah (Radi Allahu Anhu) ne ke Nabi Kareem (Sallallahu Alaihi Wasallam) ne farmaya, maldar ki taraf se (qarz ada karne mein) taal matol karna zulm hai. Aur agar kisi ka qarz kisi maldar ke hawala kiya jaye to wo ise qabool kare
.