Hum se Abul Yaman ne bayan kiya, unhon ne kaha ke humein Shuayb ne khabar di, wo Zuhri se riwayat karte hain (doosri sanad) hum se Ismail ne bayan kiya, kaha ke mujh se mere bhai Abdul Hameed ne bayan kiya, un se Sulaiman ne, un se Muhammad Bin Abi Ateeq ne bayan kiya, un se Ibn Shihab ne bayan kiya, un se Urwah ne bayan kiya, aur unhein Aisha (Radi Allahu Anha) ne khabar di ke Rasul Allah (Sallallahu Alaihi Wasallam) namaz mein dua karte to ye bhi kehte ”Ay Allah! mein gunah aur qarz se teri panah mangta hoon.“ Kisi ne arz kiya Ya Rasul Allah! Aap qarz se itni panah mangte hain ? Aap (Sallallahu Alaihi Wasallam) ne jawab diya ke jab aadmi maqrooz hota hai to jhoot bolta hai aur waada kar ke is ki khilaf warzi karta hai
.

Hum se Abul Yaman ne byaan kiya , unhon ne kaha ke hamein Shoaib ne Zuhri se khabar di , unhon ne kaha ke hamein Urwah bin Zubayr ne khabar di , unhein Nabi Karim salla Allahu alaihi wasallam ki zaujah mutahharah Aishah Siddiqah razi Allahu anha ne khabar di ke Rasool Allah salla Allahu alaihi wasallam namaaz mein yeh dua parhte thay «Allahumma inni aoozu bika min azabil qabri wa aoozu bika min fitnatil masihid dajjal , wa aoozu bika min fitnatil mahya wa fitnatil mamat , Allahumma inni aoozu bika minal maathami wal maghram» aye Allah qabr ke azab se main teri panah maangta hoon . Zindagi ke aur maut ke fitnon se teri panah maangta hoon . Dajjal ke fitne se teri panah maangta hoon aur aye Allah main teri panah maangta hoon gunahon se aur qarz se . Kisi (yani Umm al-Momineen Aishah Siddiqah razi Allahu anha) ne Nabi Karim salla Allahu alaihi wasallam se arz ki ke Aap salla Allahu alaihi wasallam to qarz se bohot hi zyada panah maangte hain! Is par Aap salla Allahu alaihi wasallam ne farmaya ke jab koi maqrooz ho jaye to woh jhoot bolta hai aur wada khilafi ho jata hai .