Hum se Mahmood Bin Ghailan ne bayan kiya, kaha ke hum ko Ubaidullah Bin Musa ne khabar di, unhein Israel ne, unhein Abu Haseen ne, unhein Abu Salih ne aur un se Abu Hurairah (Radi Allahu Anhu) ne bayan kiya ke Rasul Allah (Sallallahu Alaihi Wasallam) ne farmaya kaan (mein marne wale) ka tawan nahi, kunwen (mein gir kar mar jane wale) ka tawan nahi. Aur kisi ka janwar (agar kisi aadmi ko maare to is ka) tawan nahi. Garhe hue maal mein se panchwan hissa dena ho ga
.

Hum se Abdullah bin Yusuf ne byaan kiya ‘ unhon ne kaha ke humein Imam Malik ne khabar di ‘ unhein Ibn Shihab ne ‘ un se Saeed bin Musayyab aur Abu Salamah bin Abdul Rahman ne byaan kiya ‘ aur un se Abu Hurairah razi Allahu anhu ne byaan kiya ke Rasool Allah salla Allahu alaihi wasallam ne farmaya jaanwar se jo nuqsan puhanche is ka kuch badla nahi aur kunwein ka bhi yahi haal hai aur kaan ka bhi yahi hukm hai aur rikaz mein se paanchwan hissa liya jaye .

Hum se Abdullah bin Yusuf ne bayan kiya, unhon ne kaha hum se Layth ne bayan kiya, unhon ne kaha hum se Ibn Shihab ne bayan kiya, in se Saeed bin al-Musayyab aur Abu Salamah bin Abd-ur-Rahman ne bayan kiya aur in se Abu Hurairah razi Allahu anhu ne bayan kiya ke Rasool Allah salla Allahu alaihi wasallam ne farmaya ”chaupaye agar kisi ko zakhmi kar dein to in ka khoon-baha nahi, kunwien mein girne ka koi khoon-baha nahi, kaan mein dabne ka koi khoon-baha nahi aur dafeena mein panchwan hissa hai.“

Hum se Muslim bin Ibrahim ne bayan kiya, kaha hum se Shubah ne, unhon ne Muhammad bin Ziyad se, unhon ne Abu Hurairah razi Allahu anhu se, unhon ne Nabi Karim salla Allahu alaihi wasallam se, Aap salla Allahu alaihi wasallam ne farmaya ”be-zaban janwar kisi ko zakhmi kare to is ki diyat kuch nahi hai, isi tarah kaan mein kaam karne se koi nuqsan pahunche, isi tarah kunwien mein kaam karne se aur jo kafiron ka maal dafan kiya hua mile is mein panchwan hissa sarkar mein liya jaye ga.“