Hum se Musaddad ne bayan kiya, unhon ne kaha ke hum se Abdul Wahid ne bayan kiya, un se Maamar ne bayan kiya, un se Zuhri ne bayan kiya, un se Abu Salama Bin Abdur Rahman ne bayan kiya aur un se Jabir Bin Abdullah (Radi Allahu Anhuma) ne bayan kiya ke Rasul Allah (Sallallahu Alaihi Wasallam) ne har us cheez mein shufa ka haq diya tha jo abhi taqseem na hui ho. Lekin jab hudood muqarrar ho gayeen aur raste badal diye gaye to phir haq-e-shufa baqi nahi rehta
.

Hum se Mahmood ne bayan kiya, kaha ke hum se Abdul Razzaq ne bayan kiya, unhein Mamar ne khabar di, unhein Zuhri ne, unhein Abu Salma ne aur unhein Jabir (Radi Allahu Anhu) ne ke Rasul Allah (Sallallahu Alaihi Wasallam) ne shufa ka haqq har is mal mein qarar diya tha jo taqseem na hua ho, lekin is ki had-bandi ho jaye aur raste bhi pher diye jayein to ab shufa ka haqq baqi nahi raha
.

Hum se Muhammad Bin Mahbub ne bayan kiya, unhon ne kaha ke hum se Abdul Wahid ne bayan kiya, un se Mamar ne bayan kiya, un se Zuhri ne, un se Abu Salma Bin Abdur Rahman ne aur un se Jabir Bin Abdullah (Radi Allahu Anhuma) ne bayan kiya ke Nabi Kareem (Sallallahu Alaihi Wasallam) ne har aise mal mein shufa ka haqq qayam rakkha jo taqseem na hua ho, lekin jab is ki hudood qayam ho gayi hon aur rasta bhi pher diya gaya ho to ab shufa ka haqq baqi nahi raha
.