Hum se Yahya bin Bukair aur Qutaibah ne bayan kiya, unhon ne kaha hum se Laith ne bayan kiya, woh Uqail se, woh Ibn-e-Shihaab se, woh Ubaidullah bin Abdullah bin ’Utbah se, woh Abdullah bin Abbas Radhiallahu Anhuma se riwayat karte hain ke Rasoolullah Sallallahu Alaihi Wasallam ne doodh piya, phir kulli ki aur farmaaya is mein chiknaayi hoti hai. Is Hadees mein Uqail ki Younus aur Saleh bin Kaisaan ne Zohri se Mutaba’at ki hai.

Hum se Abu Aasim ne bayan kiya , in se Imam Awza'i ne bayan kiya , in se Ibn Shihab ne bayan kiya , in se Ubaidullah bin Abdullah ne aur in se Abdullah bin Abbas razi Allahu anhuma ne bayan kiya ke Rasool Allah salla Allahu alaihi wasallam ne doodh piya phir kulli ki aur farmaya ke is mein chaknahat hoti hai .

Aur Ibrahim bin Tahman ne kaha ke in se Shubah ne , in se Qatadah ne aur in se Anas bin Malik razi Allahu anhu ne bayan kiya , in se Rasool Allah salla Allahu alaihi wasallam ne farmaya ke jab mujhe Sidrat-ul-Muntaha tak le jaya gaya to wahan main ne char nahrein dekhein . Do zhahiri nahrein aur do baatini . Zhahiri nahrein to Neel aur Furat hain aur baatini nahrein jannat ki do nahrein hain . Phir meere paas teen piyale laaye gaye ek piyale mein doodh thu , doosre mein shehad thu aur teesre mein sharab ku . Main ne woh piyala liya jis mein doodh thu aur piya . Is par mujh se kaha gaya ke tum ne aur tumhari ummat ne asal fitrat ko pa liya . Hisham , Saeed aur Humam ne Qatadah se , unhon ne Anas bin Malik razi Allahu anhu se , unhon ne Malik bin Sasa'a razi Allahu anhu se yeh hadees riwayat ki hai . Is mein nadiyon ka zikr to aisa hi hai lekin teen piyalon ka zikr nahi hai .