Hum se Muhammad Bin Salam ne bayan kiya, kaha ke mujh se Muhammad Bin Fazail ne bayan kiya, un se Husain ne bayan kiya, un se Salim Bin Abi-al-Jadh ne bayan kiya aur un se Jabir (Radi Allahu Anhu) ne bayan kiya ke (tijarti) onton (ka qafila) aaya. Hum is waqt Nabi Kareem (Sallallahu Alaihi Wasallam) ke sath Juma (ke khutba) mein shareek thay. Barah sahaba ke siwa baqi tamam hazraat udhar chale gaye is par ye ayat utri «Wa idha ra-au tijaratan au lahwan-infazzu ilaiha wa-tarakooka qa-ima» ”Jab saudagari ya tamasha dekhte hain to is ki taraf dorr parte hain aur aap ko khara chor dete hain.“
.

Hum se Muawiyah bin Amr ne byaan kiya , kaha ke hum se Zaidah ne Husain se byaan kiya , un se Salim bin Abi Jaad ne , unhon ne kaha ke hum se Jabir bin Abdullah razi Allahu anhuma ne byaan kiya ke hum Nabi Karim salla Allahu alaihi wasallam ke sath namaaz parh rahe thay , itne mein ghalla laade hue aik tijarati qafila idhar se guzra . Log khutbah chhor kar idhar chal diye . Nabi Karim salla Allahu alaihi wasallam ke sath kul barah aadmi reh gaye . Is waqt Surah Al-Juma ki yeh aayat utri «wa iza ra'au tijaratan au lahwan infazzu ilaiha wa tarakooka qa'ima» ”aur jab yeh log tijarat aur khel dekhte hain to is ki taraf dor parte hain aur Aap ko khara chhor dete hain .“

Hum se Talq Bin Ghannam ne bayan kiya, kaha ke hum se Zaidah Bin Qudama ne bayan kiya, un se Husain ne, un se Salim Bin Abi-al-Jadh ne ke mujh se Jabir (Radi Allahu Anhu) ne bayan kiya ke hum Rasul Allah (Sallallahu Alaihi Wasallam) ke sath Juma ki namaz parh rahe thay. (Yaani khutba sun rahe thay) ke mulk-e-Sham se kuch ont khane ka saman-e-tijarat le kar aaye. (Sab namazi) log un ki taraf mutawajja ho gaye aur Rasul Allah (Sallallahu Alaihi Wasallam) ke sath barah aadmiyon ke siwa aur koi baqi na raha. Is par ye ayat nazil hui «Wa idha ra-au tijaratan au lahwan-infazzu ilaiha» ”Jab wo mal-e-tijarat ya koi tamasha dekhte hain to is ki taraf dorr parte hain.“
.

Mujh se حفص bin Umar ne byaan kiya, kaha hum se Khalid bin Abdullah ne byaan kiya, un se Husain ne byaan kiya, un se Salim bin Abi al-Jad ne aur Abu Sufyan ne Jabir bin Abdullah razi Allahu anhuma se, unhon ne byaan kiya ke Jumu'ah ke din saman e tijarat liye huay oont aaye hum is waqt Nabi Karim salla Allahu alaihi wasallam ke saath thay unhein dekh kar siwaye barah aadmi ke sab log idhar hi daur pare. Is par Allah Tabarak o Ta'ala ne yeh aayat nazil ki «wa izha ra'au tijaaratan au lahwan-infad-doo ilayha» al-aayat yani aur baaz logon ne jab kabhi ek saude ya tamashay ki cheez ko dekha to is ki taraf daurte huay phail gaye.