Hum se Abu Asim Dahhak Bin Makhlad ne bayan kiya, unhein Ibn Jurayj ne khabar di, unhein Ata ne, unhein Ibn Abbas (Radi Allahu Anhuma) ne ke Nabi Kareem (Sallallahu Alaihi Wasallam) ne (Muzdalifah se lautte waqt) Fazl (Bin Abbas Radi Allahu Anhuma) ko apne peeche sawar karaya tha. Fazl (Radi Allahu Anhu) ne khabar di ke Nabi Kareem (Sallallahu Alaihi Wasallam) rami-e-jamrah tak barabar labbaik pukarte rahe
.

Hum se Abdullah bin Muhammad ne byaan kiya , un se Wahab bin Jureir ne byaan kiya , unhon ne kaha ke mujh se mere walid Jureir bin Hazim ne byaan kiya . Un se Yunus bin Zaid ne , un se Zuhri ne , un se Ubaidullah bin Abdullah ne aur un se Zuhri ne , un se Ubaidullah bin Abdullah ne aur un se Ibn Abbas razi Allahu anhuma ne ke Arafat se Muzdalifah tak Usama bin Zaid razi Allahu anhuma Rasool Allah salla Allahu alaihi wasallam ki sawari par peeche baithe hue thay . Phir Muzdalifah se Mina tak Fadhal bin Abbas razi Allahu anhuma peeche baith gaye thay , dono hazrat ne byaan kiya ke Rasool Allah salla Allahu alaihi wasallam Jamrah-e-Aqba ki rami tak barabar talbiya kehte rahe .

Hum se Zuhair Bin Harb ne bayan kiya, un se Wahb Bin Jarir ne bayan kiya, un se un ke baap ne bayan kiya, un se Yunus Aili ne, un se Zuhri ne, un se Ubaidullah Bin Abdullah ne aur un se Abdullah Bin Abbas (Radi Allahu Anhuma) ne ke Usama Bin Zaid (Radi Allahu Anhuma) Arafat se Muzdalifah tak Nabi Kareem (Sallallahu Alaihi Wasallam) ki sawari par Aap ke peeche baithe hue thay, phir Aap (Sallallahu Alaihi Wasallam) ne Muzdalifah se Mina jate waqt Fazl Bin Abbas (Radi Allahu Anhuma) ko apne peeche bitha liya tha. Unhon ne kaha ke in dono hazrat ne bayan kiya ke Nabi Kareem (Sallallahu Alaihi Wasallam) jamrah aqabah ki rami tak musalsal labbaik kehte rahe
.

Hum se Musa bin Ismail ne byaan kiya , kaha ke hum se Wuhaib ne byaan kiya , kaha ke hum se Abdullah bin Ta'oos ne byaan kiya , un se in ke baap ne aur un se Ibn Abbas razi Allahu anhuma ne ke Nabi Karim salla Allahu alaihi wasallam ne Madina walon ke ahram ke liye Zul Hulaifah , Shaam walon ke liye Juhfah , Najd walon ke Qarn-ul-Manzil , Yemen walon ke Yalamlam mutaiyan kiya . Yahan se in maqamaat wale bhi ahram baandhein aur in ke alawa woh log bhi jo in raston se aayein aur Hajj ya Umrah ka irada rakhte hon . Lekin jin ka qiyam miqaat aur Makka ke darmiyan hai to woh ahram isi jagah se baandhein jahan se unhein safar shuroo karna hai . Yahan tak ke Makka ke log Makka hi se ahram baandhein .